昔日大反派如今慈眉善目
從網民上載到社交平台的合照可見，現身港鐵月台的吳毅將打扮相當低調樸素。他頭戴米白色鴨舌帽、架上粗框深色眼鏡，身穿一件米灰色休閒風褸，內襯深色T恤，頸上還配戴著一條吊墜項鍊，打扮十分隨意接地氣。面對博主要求合照，他表現得毫無架子，更展現出親切的笑容。相中的他眼角微垂、神態祥和，昔日銀幕上令人心驚膽顫的兇狠眼神早已化為慈眉善目，與當年電影中那副青筋暴現、殘虐暴戾的模樣完全判若兩人。
博主除了分享合照外，還大讚吳毅將真人和善，寫道：香港地鐵偶遇曾經的反派天花板，現實中確是很和善，運氣爆棚！」。照片曝光後引來不少網民羨慕，紛紛留言：「太幸運了吧！」。但亦有大批網民將焦點放在吳毅將的外貌變化上，紛紛感慨歲月催人老，留言表示：「老了看著面善多了」、「沒有殺氣了」、「以前多少也算靚仔啊，這麼老了」、「歲月不饒人啊」。雖然昔日反派氣場已隨歲月褪去，但親民貼地的作風，依然獲得網民一致好評。
大動脈血管撕裂險死
吳毅將睇落很健碩，但原來曾經險死！一年前他接受鍾慧冰的YouTube頻道訪問，透露曾經因大動脈血管撕裂，被判定有三成機會癱瘓甚至死亡。吳毅將透露當時是頸部的大動脈血管撕裂，但幸好是由上而下撕裂，沒有影響腦部：「如果向腦部即刻就好危險，咁佢就向咗下面（撕裂），向心臟嗰邊就影響咗個腎。」吳毅將憶述出事前身體已響起警號：「因為我經常做運動，點解我行10分鐘都會腰痠背痛呢？之前乜都唔知，後尾一照發現有半個腎有陰影，啲血唔到呀。因為有條血管，佢生咗喺大動脈側邊，嗰條血管愈泵愈脹，就吸收咗，將你嘅血流咗落去，冇去到個腎嗰度。」
吳毅將指這個病可以由很多原因引致，例如工作壓力、飲食、年紀，甚至運動過量亦可能引發問題：「後生嗰時谷得犀利，一上Gym玩三、四粒鐘㗎！操得好勁，可能因為咁……又飲酒啦，嗰陣時又食煙，又要日夜捱夜拍戲，好多方面影響到我。」而吳毅將大病亦令太太唐麗球非常擔心：「醫生仲同我講，佢話有30%你可能會癱，有可能會死。我話如果我癱，你哋真係唔好救返我，癱呢我不如走喇，我眯埋對眼，生人都好過啲，傷心吓就算，癱呢，佢一世都陪住我呢，都唔知要服侍到幾時，大家辛苦。我糾結咗好耐做唔做，終於做咗，好慶幸感恩，大步檻過。」而吳毅將完成搭橋手術後已沒有大礙，但現時要注意生活檢點，需服食降血壓藥，改變飲食習慣，不可太肥膩及吃太多肉類，要做適當的運動，但就要避免太過劇烈。
本文作轉載及備份之用 來源 source: http://www.hk01.com
|
鍾意就快D Share啦！
|
|
|