親身上陣玩牌冇特效 拍危險戲親力親為
片中陳庭威戴上招牌茶色眼鏡、身穿淺藍色襯衫打呔，神采飛揚，狀態大勇。當被工作人員問及在劇集《勝者為王》內的玩牌技巧是否特效時，他即時澄清：「其實當年切牌、洗牌、飛牌嘅動作，全部都係我自己做！當年真係冇特效，全部都要靠自己反覆練習先做到出嚟。所以拍一部好戲，一定要落足功夫。」
謙稱「一哥」非光環 懷念亞視全盛期台前幕後搏命
對於昔日被封為「亞視一哥」，陳庭威謙稱：「好多人叫我『亞視一哥』，唔係光環嚟㗎，只係大家畀面我啫。」他回憶起90年代亞視的黃金年代，形容當時整個團隊都是「搏命」拍戲：「當時喺亞視黃金年代，我哋都不斷咁拍，一部接一部。真係台前幕後大家都搏晒命，先至拍到咁多經典港劇。真係好懷念當時每個人都肯奮鬥、咁團結，拍出咁多經典嘅戲。」
被問到拍《再見黃埔灘》時有那麼多危險動作，有無使用替身？陳庭威透露危險動作幾乎親力親為：「冇㗎，吊下威也囉，尤其是嗰個飛刀，都係武指設計好動作畀我做。以前拍港劇經常外景捱夜，有時大熱天時仲要著好厚嘅戲服。」
他感嘆當年既無替身亦無後期特效：「以前邊有咁多替身同後期特效製作？演員吃苦係本分，每一部經典都係親力親為，真係咁熬出嚟嘅！所以真係好感謝台前幕後工作人員，同埋多謝每一位睇我戲嘅鐵粉，多謝晒！」 網民看影片後，紛紛大讚：「這叫做敬業」、「沒咋老，還是那麼帥」、「好似無老過咁，好後生個樣。帥」、「狀態真好」
情史轟動封「人狼威」 神秘身份竟是肥姐契仔
陳庭威1984年畢業於TVB藝員訓練班，與郭富城、曾華倩、邵美琪、黎美嫻為同學。在TVB發展時曾因對異性過分熱情被封為「人狼威」，情史也非常豐富，曾與陳雅倫拍拖4年，後分手收場。之後因拍《新紮師兄續集》時與曾華倩燃起愛火，兩人過檔亞視，一齊拍完《勝者為王》後，曾華倩稱難忍對方大男子主義，單方面宣布分手，陳庭威事後亦承認不夠細心，令感情無疾而終。除了風流情史，陳庭威在圈中更有一個鮮為人知的驚人背景，他正是「肥姐」沈殿霞的契仔。據指，二人在1991年合作拍攝亞視台慶劇《豪門》時結緣，陳庭威深得肥姐歡心，因而正式上契。
本文作轉載及備份之用 來源 source: http://www.hk01.com
|
鍾意就快D Share啦！
|
|
|