前TVB藝人吳嘉儀（阿七）2023年與圈外男友「豬仔」Leo結婚，惟新婚四個月便曾於網上公審老公，爆門鎖密碼被改令她無家可歸，婚姻關係惹揣測。事隔多時，吳嘉儀前日（12日）透過社交平台宣布正辦理離婚手續，更驚爆多年來飽受對方暴力損毀物品、家居監視錄影及生活滋擾。
吳嘉儀表示日前起床準備上班時遭丈夫以極大的阻力與阻撓，表示在她梳洗期間，對方破門而入並用工具擰實水喉，令她洗頭洗到一半冇水用。丈夫更突然下逐客令，威脅她指會扔掉她的私人物品，她表示：「佢嘅意思係話希望我盡快離開，依家就要躝！我就話咁我都要做埋我啲嘢先我先執到行李，佢話咁冇辦法啦，如果你依家唔連埋你啲行李執埋走嘅話呢，我就會掟晒你啲嘢啦，會令到你啲嘢冇咗。」對方更在門口當她面前轉密碼」
吳嘉儀坦言丈夫雖未曾直接對她動手，但情緒控制問題極為嚴重，經常因生活瑣事失控當面踢爛及摔毀物品，她痛心表示，對方連她最珍視的友誼禮物亦不放過，更令她心寒的是對方事後毫無悔意，只冷血地問：「哎呀幾錢呀啲嘢，畀返錢你買過。」
阿七透露曾多次被嚇至躲進雜物房反鎖自保，卻遭對方暴力拍門及撞門，更曾害怕得要立即拿出手機開啟前置鏡頭錄影自保。此外，她大爆丈夫極度迷信風水術數，經常將所有不如意歸咎於她，甚至說出令人毛骨悚然的詛咒：「唔知佢係開玩笑定係咩，佢話過『我哋呢度住得咁偏僻，你死咗我拖你去後山都冇人知』，我話你唔好搞啲咁嘅嘢，如果我不幸離世，希望你通知屋企人！呢樣嘢我真係唔可以誣蔑，唔知佢講呢樣嘢狀態係搞笑定點，但因為咁我係發過惡夢。」
[P４]
本文作轉載及備份之用 來源 source: http://hk.on.cc
|
鍾意就快D Share啦！
|
|
|