

自言排練「論手論腳」未察覺異樣 強調與俞可程屬不同組別
被問及對俞可程與導演傳出緋聞的看法,鄧凱文表示拍攝《魔音女團》期間完全沒有聽聞過相關傳聞,直言當時自己應付排練已自顧不暇,根本無暇留意身邊人的動態:「其實因為《魔音》嘅時候我真係唔知道,我完全係會喺自己嘅世界裡面,我係冇留意任何嘢,同埋本身都唔係話非常之熟。」
追問之下,她澄清自己與俞可程關係不俗,但兩人在《東張西望》分屬不同組別,平時在工作上的交集不算太多:「我同俞可程都還好,因為我哋比較上係可能我係做娛樂嘅多吖嘛《東張》,咁佢係做時事嗰邊,可能就唔會話超級熟絡囉。我真係絕對係冇留意過,亦都冇覺得有任何特別嘅嘢囉。」
避談導演婚姻狀況 笑問記者:你係咪好傳媒嚟㗎?
對於網傳該名導演已婚並有家室,鄧凱文坦言對對方的私人生活毫不知情,被連番追問「點睇」時更一度語塞,忍不住笑言問題太尖銳:「我真係唔清楚……我點睇呀?我冇諗法喎真係!諗唔到點睇呀,好難呀!你係咪好傳媒嚟㗎?」
至於近日有否傳訊息慰問俞可程,她表示這幾天正忙於為台慶練舞,更遭監製嚴厲督促不准跳錯拍子,根本沒有時間聯絡任何人:「因為今日係不斷練舞,而且我都俾監製佢哋督促我,話你一定唔可以甩,因為而家暫時前幾日係甩咗一拍嘅,所以我根本上係冇時間去message任何人囉。」她亦強調自己較少與導演私下交流,對其婚姻狀況一無所知:「嘩,呢啲咁私人嘅嘢我真係唔知,我比較少同佢交流。」
本文作轉載及備份之用 來源 source: http://www.hk01.com
|
鍾意就快D Share啦!
|
|
|


