掃呢頁CODE去手機

2026年11月17日 星期二

王海榛細數星二代苦處 做公關被老闆爆粗藐爆趕走:王晶個女呀? #王晶

王海榛(Dada)近日首度現身ViuTV,接受《晚吹-怨女俱樂部》主持余迪偉、陳皓雲、樂庭訪問,期間講到不少「星二代」辛酸,很多時候人們想結識她,其實 ...




王海榛(Dada)近日首度現身ViuTV,接受《晚吹 - 怨女俱樂部》主持余迪偉、陳皓雲、樂庭訪問,期間講到不少「星二代」辛酸,很多時候人們想結識她,其實都是想結識王晶,甚至無故說「不如上你屋企?」Dada入行前擔任活動公關,只是履行職責地勸場所老闆讓出通道,對方得知其身份後卻藐爆說:「王晶個女呀?」以粗口無禮對待,甚至請保安趕她走。此外,王晶有時會在網上發表惹火言論,例如之前曾鬧姜濤,雖然Dada冇份講,但都會被網民「連坐式」去其IG辱罵,她自爆事後跟王晶說:「你鬧人之前可唔可以同我講聲先呀?」不過她自爆該次其實因禍得福,雖然被罵,但IG竟多了近萬粉絲,更收到很多關心。

王海榛(Dada)近日首度現身ViuTV,接受《晚吹 - 怨女俱樂部》主持余迪偉、陳皓雲、樂庭訪問,期間講到不少「星二代」辛酸,很多時候人們想結識她,其實都是想結識王晶,甚至無故說「不如上你屋企?」。(ViuTV)


星二代身份惹交友動機質疑 讀書時亦曾遭老師偏見

主持問她星二代好或壞處多,Dada指兩者都有,但節目上她就道出不少苦處。成長以來,不少人結識她是因為想識王晶,想可以向別人炫耀自己有星二代朋友之類;Dada又自爆讀書時期老師都對其身份有偏見或微言:「試過攞咗本小說,真係有粗口成份,或者『你屋企做乜我唔理,但係你唔好將呢啲嘢攞返學校。』」她不明白為何要把其家人牽扯進去。

Dada又自爆讀書時期老師都對其身份有偏見或微言:「試過攞咗本小說,真係有粗口成份,或者『你屋企做乜我唔理,但係你唔好將呢啲嘢攞返學校。』」(ViuTV)


做活動公關因王晶女兒身份受辱 遭老闆爆粗藐爆趕走

Dada畢業後並沒有立即入娛樂圈,而是做活動公關,她憶述一次在內衣時裝表演的經歷,為了把通道留給模特兒進出,以及保護穿內衣的模特兒,她要確保通道暢通。不過當日場所老闆突然出現在通道上,拿著酒,姿勢也像大老闆,Dada於是公事公辦說:「唔好意思呀,通道我哋要保持暢通呀。你介唔介意行埋一邊,唔好阻住通道呀?」誰知對方只是藐她,並行開問其助手:「邊個嚟㗎?」而助手卻竟回答:「Er……佢係王晶個女呀。」Dada對於助手回應也相當無奈,因為自己工作與王晶無關:「好奇怪!你叫我乜都好啦,PR又好、阿Da又好啦,跟住我換嚟嘅係一句『王晶個女呀?』跟住有粗口。」完騷後明明還有慶功酒會,但對方卻找保安趕走她:「我唔知得罪咗佢啲乜嘢,淨係叫佢保持通道暢通。」

Dada入行前擔任活動公關,只是履行職責地勸場所老闆讓出通道,對方得知其身份後卻藐爆說:「王晶個女呀?」以粗口無禮對待,甚至請保安趕她走。(ViuTV)


王晶狠批姜濤惹姜糖遷怒於她 被網民圍攻鬧返老竇:鬧人前講聲

至於另一件事,便是代父親「硬食」負評,Dada未有開名,但明顯是指向父親去年鬧姜濤一事。當時王晶狠批姜濤「人肥歌雞舞賤」、「你殺左(咗)我啦,香港頂流!求求你滾出娛樂圈啦。」Dada直言:「佢鬧完人,人哋嘅支持者咪嚟晒我IG鬧我囉!」她分享事發當日的小插曲:「嗰日我打打吓麻將,我朋友send message嚟,『嘩,你老竇做咩咁爆啊?唔驚啲人嚟鬧你呀?』我即刻撳,哦,未有人鬧,繼續打牌。跟住晏少少啲人開始嚟啦喎,跟住我就『車,咪又係嗰幾句』我哋就繼續冇嘢打麻將,跟住我問老竇,『發生咩事呀?做乜無啦啦鬧人呀你又?可唔可以同我講聲先呀你鬧人之前?』」

王晶發文批評姜濤。(截圖)


王海榛因王晶鬧姜濤慘遭殃及池魚做箭靶,她跟王晶說:「做乜無啦啦鬧人呀你又?可唔可以同我講聲先呀你鬧人之前?』」(ViuTV)


無辜捱鬧竟意外漲近萬粉 自封最大贏家:賺咗流量!

余迪偉形容事件如「父債女還」,事後王海榛出了個story,指:「10年的經驗給了我一個強大心臟,感謝宇宙每次都給我力量令我變成更好的我。我沒事,感謝大家關心!學會愛自己多一點,別把所有破事都放在心上,負能量到處都是,就讓他自然地飄走吧。」她在節目上透露其實自己是這件事最大贏家,自爆:「我賺咗好多人嘅關心,當然我覺得喺呢件事上面我係最大嘅贏家,因為我賺咗最緊要嗰樣嘢,賺咗流量!我冇諗過嗰兩日嘅流量可以升到咁高,無啦啦升咗成萬粉!」不過她亦會勸王晶「唔好咁爆」。

王子涵因父親王晶鬧姜濤的言論而被波及,她在IG發文回應事件。(IG@dadadawongx)


她在節目上透露其實自己是「王晶鬧姜濤」事件最大贏家,自爆:「我賺咗好多人嘅關心,當然我覺得喺呢件事上面我係最大嘅贏家,因為我賺咗最緊要嗰樣嘢,賺咗流量!我冇諗過嗰兩日嘅流量可以升到咁高,無啦啦升咗成萬粉!」不過她亦會勸王晶「唔好咁爆」。(ViuTV)


王晶一句「養你一世」冧爆 王海榛出世令發哥華仔都讓路頂替執導

而私底下,王晶亦有疼錫她之處,雖然口裡吝嗇讚美,但他曾對Dada說:「我生得你出,我預咗養你一世。」使她感動不已,直言雖然有男朋友,但覺得冇一句情話及得上父親這句宣言。至於星二代好處,當然是兒時已見盡各個巨星,如梁朝偉、周潤發等等,Dada又自認是父親的福星,連發哥、劉德華都為她讓路:「我出世嗰日,佢真係冧廠,佢當時拍緊《賭神》,但係我提早出世,佢冇得開工,要搵人哋頂佢,聽講當日嘅周潤發同埋劉德華,都要充當導演位置,拍咗幾場散shot戲,總之好勁啦,劉德華同埋周潤發都要為我讓路!」

王晶曾對Dada說:「我生得你出,我預咗養你一世。」使她感動不已。


Dada又自認是父親的福星:「我出世嗰日,佢真係冧廠,佢當時拍緊《賭神》,但係我提早出世,佢冇得開工,要搵人哋頂佢,聽講當日嘅周潤發同埋劉德華,都要充當導演位置,拍咗幾場散shot戲,總之好勁啦,劉德華同埋周潤發都要為我讓路!」(ViuTV)



本文作轉載及備份之用 來源 source: http://www.hk01.com
鍾意就快D Share啦!