掃呢頁CODE去手機

2026年11月17日 星期二

英超Fever:曼聯專機接普捷天奴 教練團率先抵曼市備戰 #曼聯

普捷天奴備戰分秒必爭。(設計圖片)曼聯日前宣布普捷天奴出任新帥,不過呢位阿根廷領隊行程緊密,周三(18日)仲要帶美國隊最後1次出賽。為爭取時間備戰對利 ...




普捷天奴備戰分秒必爭。(設計圖片)


曼聯日前宣布普捷天奴出任新帥,不過呢位阿根廷領隊行程緊密,周三(18日)仲要帶美國隊最後1次出賽。為爭取時間備戰對利物浦,據報曼聯已安排專機接載普捷天奴,佢嘅教練團成員更加率先飛抵曼徹斯特整頓,務求令普捷天奴可以充分利用4日時間去準備「雙紅會」。


普捷天奴喺周三朝早帶美國喺中北美國聯迎戰海地,完場後將會見傳媒「講再見」,消息指曼聯已安排私人飛機喺辛辛那提等待,普捷天奴任務完成後,可即時登機直飛曼徹斯特。「肥普」可以喺機上面舒適瞓覺,到達英國後即刻就可以投入新工作。


據《每日郵報》報道,美國上場首回合6比0贏海地後,普捷天奴已派「先頭部隊」出發,副手捷西斯佩雷斯、龍門教練東尼占美尼斯同體能教練施巴斯坦(普捷天奴個仔),率先離隊飛抵曼市準備,普捷天奴就由助教迪亞高斯天奴、體能教練施維雅同分析師史葛陪同。


普捷天奴表示:「我哋同曼聯已經計劃好晒,3個教練會先飛去曼徹斯特,因為當我周三去到之後,將會不停咁工作,緊接就係比賽。對我嚟講唔算好困難,就好似球員踢完國家隊再返球會一樣,我哋已經做好晒準備。」距離周一(23日)凌晨作客利物浦,普捷天奴將有約4日時間備戰。


足球博彩神器,每日重心提供盡在《彩報》:http://win.on.cc/football/ 

本文作轉載及備份之用 來源 source: http://hk.on.cc
鍾意就快D Share啦!