(設計圖片)
淪落英超降班區嘅曼聯，對領隊卡域克嘅忍耐已到極限，多間權威媒體報道，「紅魔鬼」高層周二(10日)召開危機會議，一致傾向解僱「轉正」只有半年嘅卡域克。新帥方面更爆出意外人選，曾執教多間英超球會嘅美國隊主帥普捷天奴，已成曼聯新領隊大熱人選。
曼聯上場絕地逼和阿士東維拉4比4，未來兩星期都會身處第18位嘅降班區，據《The Athletic》等媒體爆料，曼聯總監韋確斯、行政總裁貝拉達等高層周二進行兩次會議，都認為換帥事在必行，但現階段未有落實任何方案，亦要時間物色、安排新領隊接任嘅事宜。
接任人選方面，干地、艾迪侯域、拿高斯文等一直喺候選名單，但係高層意見有分歧，而最近又爆出意外人選，曾教過修咸頓、熱刺同車路士嘅普捷天奴成為第1目標，呢位阿根廷教頭亦樂意接任，不過佢喺世盃後啱啱同美國隊續約4年，曼聯需要同美國足總商討放人。
現年54歲嘅普捷天奴，過去曾多次傳出有意執教曼聯，佢喺2022年曾非常接近加盟，但最終曼聯選擇咗坦哈格。據《The Athletic》報道，曼聯正加速安排換帥程序，預計下場聯賽(23日)作客利物浦嗰陣，將會由新主帥負責領軍。
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|