網頁

▼
掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2026年11月20日 星期五

TVB台慶2026|黃劍文食雞髀失10萬眼泛淚光 羨慕肥媽地位超然 #TVB #台慶 #肥媽 #黃劍文

無綫《萬千星輝賀台慶》今晚(19/11)隆重舉行,全台藝員傾力演出之餘,萬眾期待的台慶大抽獎環節更出現「走寶」一幕!《中年好聲音2》人氣唱將黃劍文原本 ...




無綫《萬千星輝賀台慶》今晚(19/11)隆重舉行,全台藝員傾力演出之餘,萬眾期待的台慶大抽獎環節更出現「走寶」一幕!《中年好聲音2》人氣唱將黃劍文原本獲錢嘉樂抽中總值超過10萬港元的豐富獎品連免找數簽賬額,卻因為一時肚餓走去電視城內的便利店「醫肚」食雞髀,結果白白錯過上台領獎的黃金機會,最終獎品由前輩曹永廉補上奪得。

黃劍文因一隻雞髀錯失十萬大獎。(胡凱欣攝)


黃劍文事後接受《香港01》訪問時大談「痛失巨獎」的經過與感受時眼泛淚光,雖然被全場取笑食了「人生最貴一隻雞髀」,但他依然保持招牌正能量,笑言要「唱多幾場Show賺返」!

黃劍文受訪時眼泛淚光。(胡凱欣攝)


全日未進食醫肚闖禍 接戰友來電狂奔回廠為時已晚

談及為何會在抽獎的關鍵時刻「失蹤」,黃劍文無奈還原事發經過,坦言全因自己全日未有進食,實在餓得受不了:「其實抽獎前我去咗影一啲公司嘅相啦,跟住就去影一個『最佳甫士』嘅相。影完之後因為好肚餓啦,全日都冇食過嘢,咁我就去咗便利店買隻雞髀食。」

豈料這隻雞髀竟讓他與10萬大獎擦身而過!黃劍文笑指自己其實剛剛吃完雞髀,一查看手機便發現「出事」:「我啱啱食完嘅,一睇電話就知道有Message同埋有人打畀我,《中年好聲音》個Chatroom就打嚟,叫我『快啲返嚟你中獎呀!』跟住我就即刻狂奔返嚟,點知跑到去台前嘅時候,前輩(曹永廉)已經上咗台攞獎喇,我就因為隻雞髀錯失咗10萬蚊!」

顏志恆獨得45萬大獎。(胡凱欣攝)


笑稱「唱多幾場Show賺返」 羨慕肥媽有人代領

事件曝光後,台前幕後紛紛取笑他這餐宵夜代價極高,堪稱「10萬蚊一隻雞髀」。黃劍文對此不但沒有黑面,反而覺得既好笑又感動:「個個都話我好唔抵囉!不過我都好感動,因為好多人都好關心我,替我唔抵。10萬蚊一隻雞髀,咁咪唱多幾場Show賺返囉!」

正能量。(胡凱欣攝)


同場另一位得獎者肥媽(Maria Cordero)抽獎時同樣不在現場去了洗手間,但可獲陸浩明(6號)代領,不過肥媽最終趕及現身成功袋走10萬大獎。被問到為何沒有人替自己代領時,黃劍文即爆笑大呼:「冇錯呀!點解冇人幫我代領嘅?(係冇人話你可以代領!咁唔緊要啦,留返下年啦希望!」

被問到會否覺得「好唔公平」時,黃劍文先是無奈大笑,隨即大方表示自己離席在先,規則十分合理:「呃……咁應該係啱嘅,我唔在場,即係我唔喺現場嘛,我咁啱就走咗去食雞髀,咁冇辦法。」

至於會否認為是資歷及「地位問題」,才令肥媽獲得「代領待遇」,黃劍文亦毫不介意並直認不諱,笑言唯有寄望明年再接再厲,自己亦會乖乖吸取教訓:「咁一定係㗎咁一定係㗎好啦唔緊要啦,留返下年啦希望!咁我覺得唔緊要啦,下次就唔做其他嘢啦,唔食雞髀啦,食雞髀就早啲食完就坐定定啦咁囉!」

人生首中大獎痛失歐洲旅費 正能量視作好開始

黃劍文透露,自己平時極少抽獎運,今次可說是人生第一次抽中如此巨獎,正因從未想過幸運之神會降臨自己身上,才會安心離席去買雞髀:「就係會覺得『唔會係我㗎啦』,所以我咪走去食雞髀囉!」被問到如果順利袋走這10萬港元會如何使用時,他坦言原本打算用來去旅行,甚至笑稱「可以去歐洲添」,但話未說完便立即自我喊停:「哎呀算啦唔好再講喇!唔好再講喇我唔諗喇,已經過去咗㗎喇!」

從未想過幸運之神會降臨自己身上。(胡凱欣攝)


雖然與10萬大獎緣慳一面,但黃劍文絕不認為這是「行衰運」的開始,反而將今次烏龍事件視為正面提醒:「唔會嘅,我相信係一個好開始嚟嘅!即係話畀我聽要留心,以後唔好再錯過一啲咁重要嘅機會,新一年一定會係更加好嘅!」


本文作轉載及備份之用 來源 source: http://www.hk01.com
鍾意就快D Share啦!