2013年5月30日 星期四

王菲撇嘉玲跟佬走




王菲兩公婆同嘉玲影完三人合照,李亞鵬主動推老婆埋去同好姊妹再影,點知王菲點都唔肯,係要跟埋老公一齊走。

同你吟一吟

王菲撇嘉玲跟佬走

王菲、李亞鵬拉頭纜嘅「嫣然天使基金」自○六年成立以來,幾乎年年都搞慈善晚宴,今年仲揀正愛女李嫣七歲生日,拉隊嚟香港洲際酒店開 ball。星期一(五月二十七日)晚,王菲兩公婆盛裝喺現場打點,李亞鵬話囡囡要早瞓,所以冇嚟,但李嫣親手畫冇設底價嘅熊貓畫,當晚就由善長以一百萬投咗。

王菲吹雞,好姊妹劉嘉玲長期以來都最落力,由 call善長到搞手,乜都幫。當晚除咗鐵膽嘉玲, Eason兩公婆、丁生丁太、關之琳、那英、趙薇等好友紛紛蒲頭撐場。

雖然香港算係王菲主場,但返北京生活多年嘅李太,對住鏡頭始終有啲唔自然,同老公老友嘉玲合照完,李亞鵬主動行開等兩姊妹再影,點知阿菲雞咁腳要跟老公返入場,就算嘉玲鬱手,都拉唔住。

怕咩呢?吓!李亞鵬唔會走咗去喎,真係黐少陣都唔得!

趙薇、那英係王菲手帕交,呢啲場合,一定撐!

當晚要上台做表演嘉賓嘅 Eason,同老婆徐濠縈襯到絕。



楊千嬅拖老公現身,關之琳就單拖到。



鍾意就快D Share啦!
Related Posts Plugin for WordPress, Blogger...