掃呢頁CODE去手機

2013年5月10日 星期五

龔嘉欣刨書惡補男女關係




為情消瘦嘅龔嘉欣,收拾心情後,面口比之前圓潤咗,好事!

媽咪姐

龔嘉欣刨書惡補男女關係

見完苟芸慧,過幾日,媽咪姐又見到同樣有份做《金枝貳》嘅龔嘉欣喺將軍澳 Popcorn商場行街。佢自從同鄧健泓分手後,成個人落曬形,不過今次見佢,塊面同身形都多番幾両肉。

見龔嘉欣一支箭走入一間書局,第一時間走去個角落度摷書,唔通佢好似苟芸慧睇娛樂雜誌。原來媽咪姐估錯咗,個書架擺咗唔少兩性關係嘅心靈慰藉書,最後見佢拎起本《男女大不同》去櫃台俾錢。啱嘅!套劇唔掂自然有人出手救,不過男女關係唔掂就要諗計自救啦!

我講對白字正腔圓,好清楚噃!(設計對白)

我演技唔差噃!(設計對白)

龔嘉欣喺書局猛搵兩性關係書,最後買咗本暢銷書《男女大不同》,知己知彼,睇怕係想為下一次拍拖做好準備。搵到書!心情大好,繼續 shopping睇靚鞋(右圖)。



鍾意就快D Share啦!