全城熱爆的娛樂八封新聞 & 時事趣聞 & 生活 + 趣聞
今時唔同往日，梗要慳住使啦！（設計對白） 孫佳君雖然無復當年艷，但話曬係兩個囝囝嘅媽咪，算係咁啦！
上年復出拍片嘅孫佳君，既要工作，又要照顧兩個囝囝，單親媽媽唔易做。
早幾日，媽咪姐喺銅鑼灣撞到孫佳君一個人行街，見佢唔係行名店，反而行街邊檔，同幫襯檔仔買絲襪。之後見佢去醫肚，亦唔係幫襯「米芝蓮」名店，只係食過橋米線，一餐飯連購物，都係一嚿水多啲，認真慳家。以往同唔少富豪扯上關係嘅孫佳君，生活今非昔比咯。
孫佳君喺街邊檔買咗四對絲襪，仲同事頭婆嗲咗幾句，似乎都係熟客仔。
買完絲襪，孫佳君去附近嘅食肆食米線醫肚，三、四十蚊就搞掂一餐，同以往黐住富豪嘅日子，真係有好大分別。
