陳茵媺錫身
豪嫂當然唔恨同班妹妹仔鬥啦，但佢都着番件大領衫，不過就搵條頸巾遮住。
媽咪姐
無綫小花短打救亡
無綫劇，好悶呀！視帝祥自稱《神探高倫布》係科幻片，蔡少芬又話《金枝慾孽貳》一句對白有五個含義，將一套電視劇搞到咁複雜，咁樣並非曲高和寡，而係眼高手低囉！
收視屢創新低，無綫真係知驚喇。由陳展鵬同陳茵媺孭飛嘅《情越海岸線》下周出街，嗱嗱聲召集一班演員，周三（ 8日）山長水遠入到長洲宣傳。姚子羚、朱璿等新晉小花為刺激收視，個個自動波背心短打上陣。
老實講《情》劇卡士普通，劇情又係男追女女追男嘅公式愛情片格局。不過強如視帝祥、視後雯都未必係收視保證的話，《情》劇啲新面口分分鐘有捧場客。
左：姚子羚險勝
自知身材一般嘅姚子羚唔介意着住大圓領上衣露心口，仲着住超短熱褲，終於俾佢成功搶鏡。
藍莓攝位
佢係邊位？之唔係被安排着三點式拍宣傳片但被刪剩一秒嘅藍莓（劉俐）囉！當日佢為咗搶多過一秒嘅曝光率，於是識做稍微露下條血管腿，攝位成功。
|
鍾意就快D Share啦！
|
|
|
