掃呢頁CODE去手機

2013年5月10日 星期五

無綫小花短打救亡




陳茵媺錫身

豪嫂當然唔恨同班妹妹仔鬥啦,但佢都着番件大領衫,不過就搵條頸巾遮住。

媽咪姐

無綫小花短打救亡

無綫劇,好悶呀!視帝祥自稱《神探高倫布》係科幻片,蔡少芬又話《金枝慾孽貳》一句對白有五個含義,將一套電視劇搞到咁複雜,咁樣並非曲高和寡,而係眼高手低囉!

收視屢創新低,無綫真係知驚喇。由陳展鵬同陳茵媺孭飛嘅《情越海岸線》下周出街,嗱嗱聲召集一班演員,周三( 8日)山長水遠入到長洲宣傳。姚子羚、朱璿等新晉小花為刺激收視,個個自動波背心短打上陣。

老實講《情》劇卡士普通,劇情又係男追女女追男嘅公式愛情片格局。不過強如視帝祥、視後雯都未必係收視保證的話,《情》劇啲新面口分分鐘有捧場客。

陳豪送袋

一般出席劇集宣傳嘅女星,當然唔會拎袋咁麻煩,之不過有樓揸手嘅陳茵媺,當日就拎住男友陳豪送贈,炒價 15萬嘅 Hermès birkin手袋,凸顯身份。

朱璿娘爆

着住吊帶背心短裙嘅朱璿,胸前突出,可惜條裙老土,加埋姿勢騎呢,娘爆!

李韻詩嘥料

一向搏命嘅李詩韻,竟然着住西裝褸同長褲穀劇,頓時被搶風頭,難怪佢喺活動上狂黐陳展鵬,費事同班女星正面交鋒。

左:姚子羚險勝

自知身材一般嘅姚子羚唔介意着住大圓領上衣露心口,仲着住超短熱褲,終於俾佢成功搶鏡。

藍莓攝位

佢係邊位?之唔係被安排着三點式拍宣傳片但被刪剩一秒嘅藍莓(劉俐)囉!當日佢為咗搶多過一秒嘅曝光率,於是識做稍微露下條血管腿,攝位成功。



鍾意就快D Share啦!