全城熱爆的娛樂八封新聞 & 時事趣聞 & 生活 + 趣聞
操到似鋼鐵人嘅徐濠縈，除咗手臂練出兩個老鼠仔外，前面肚腩位置更練出腹肌，佢見有人影再縮一縮肚，橫睇豎睇都唔似生過 BB嘅媽咪。
Eason嫂徐濠縈除咗潮，仲係跑馬拉松能手，就連佢老公都曾經話過佢，家陣跑到瘦到一條藤咁。
麻甩喪𥄫 雖然話做運動啫，不過阿徐當日著件 tube top跑街，少布成咁，即時吸引身邊麻甩佬狂𥄫。
前幾日，趁暖暖哋，徐鐵人又再出動，媽咪姐見佢一身跑步戰衣，露出小蠻腰，由跑馬地跑去灣仔。雖然路程唔算長，不過好日唔做運動嘅媽咪姐，跟佢後面一齊跑，就真係跑到索曬氣！跑得幾跑，仲連人影都唔見埋。為身形好，為健康好，睇嚟媽咪姐都要的起心肝學嚇神嫂至得咯！
