全城熱爆的娛樂八封新聞 & 時事趣聞 & 生活 + 趣聞
陳山聰被分手後急搵食， 24歲嘅何超雲呢，大把青春同金錢，近期都係休養生息，無再放靚相上微博，連公開場合都少出。不過雲之魅力真係勁！日前，有懷疑來自強國嘅癡心漢就三闖三太大宅求見超雲。佢都係演技派嚟㗎，山聰可以學嘢喎！
披住件冷衫嘅中年男人，拖住個喼再加環保袋，自以為係白馬王子咁去到布力徑超雲屋企門口，話有嘢送俾超雲喎！班保安當然緊張到震，即時趕走呢個癡漢。
點知隔咗一日佢換過條牛仔褲就再次闖關，仲跟車入咗大門，司機落車攔截再警告話要報警，癡漢先死死氣打道回府。
誰不知，轉個頭癡漢著住件中褸第三次出現大宅門口。佢一見到超雲架車，追上去想見嚇女神，點知只有司機一人，但癡漢呆呆目送仲想跟車入屋。到最後咪又係要麻煩到司機大佬同保安哥哥趕佢走囉。
