[忽然1周 960] 吳君如扣殺王菀之 君如,王菀之,吳君如,MW,

一倒再倒

雖然王菀之（右）個造型輸曬俾激凸君如，後者又不斷彎身倒奶。但影後好識做，猛讚做小雞嘅王菀之做得好放。

媽咪姐

吳君如扣殺王菀之

《金雞》又嚟喇！上個禮拜媽咪姐到《金雞 SSS》外景探班，撞啱又凍又落雨，工作人員個個披曬雨褸，不過吳君如就零舍唔同，低胸 deep V得嚟裙仔又短短。睇唔出平日似小型機場嘅佢，嗰日居然好有睇頭，隔籬嘅王菀之都係低胸，不過就完全微波不露！響後生女側邊，君如仲不時失驚無神彎低身露出大條事業線，連 nude bra扣都露埋，睇到王菀之不知幾妒忌。

本來唔使拍嘢嗰陣，君如都有披番件羽絨，不過又披又除鬼咁麻煩，所以後尾君如索性唔披嘞，一於賣大包益嚇友情客串嘅陳奕迅同張家輝。啱嘞，早前老公陳可辛捲入小三風波，身為大婆嘅君如係時候 show嚇 quali！

吳君如話自己啱啱飛去韓國加工到「 38G」！查實就係喺 push up bra內戴多個「缽仔糕」唧出事業線來。一俯身，透明扣都見埋。

劇組喺尖東搭咗個「大富豪」場景，張家輝以「化骨龍」造型扮大佬， Eason就扮「𡃁」，君如？梗係做「金雞」啦。張海報仲……嘩！

鍾意就快D Share啦！

下一篇 》