[忽然1周 960] 失雲半年 瘦山聰喪跑學戲 山聰,陳山聰,MW,

深水埗上堂

陳山聰連飯都未食，就跟導師餘俊峰一齊返工作坊上堂，兩個喺路上雞啄唔斷，好 friend喎。

媽咪姐

失雲半年　瘦山聰喪跑學戲

兩年前「雲山戀」成為全城熱話，一心諗住做何家女婿嘅陳山聰，急急同前妻 Ponny楊度萍離婚，仲當無綫透明，拍劇失蹤又唔做宣傳，全職做何家「小聰子」，點知今年 4月俾超雲狠飛，變咗「四失聰」。

其他影片

昔日俾超雲養到肥肥白白嘅陳山聰，逼住四圍𢱑撈。其間做過寫字樓同時裝採購，不過嘆慣威慣嘅佢點捱得住做個小職員吖！最終俾佢𢱑到拍新片《情緣灰姑娘》。有幕後人同媽咪姐講：「佢知道有份拍，勁開心！就算有場戲要俾劉心悠狂摑都笑曬口。鬼咩！客串兩組戲就袋幾萬蚊，真係幫佢唔少。」

陳山聰為要強勢回歸無綫，近期日日跑步，成身線條出番嚟。嘩！條褲仲勁短㖭。

導師餘俊峰

教山聰做戲嘅餘俊峰，曾經係亞視藝員，有多張演技訓練證書，亦係自由身演員。陳敏之、梁靖琪同敦政鴻都跟過佢學過演戲。

由豪門落番凡間，陳山聰去茶餐廳買個燒味飯當餐，唯一堅持嘅係，點都要戴超！

一向唔潮唔著嘅陳山聰，依家啲衫明顯低調咗，出入都係自己揸阿哥嗰架舊款七人車。無嘢嘅，馬死落地行囉。

嚟緊就要返無綫拍戲，瘦咗一圈嘅陳山聰喺屋企附近跑完步，就去咗深水埗「方法演技工作坊」。媽咪姐以為佢撈埋 part time導師啦，但一問之下，佢原來係做學生。陳山聰承認：「我好快開劇，想自己演技好啲。我又唔係影帝級，當然要去進修。唔係打工唔得，只係發現自己喜愛演藝事業，難得添哥俾機會我，所以上堂係必要。」即係咁，媽咪姐係有啲奇怪瘦山聰去到呢把年紀，先忽然發現自己咁 like做戲！老實講，佢一向做戲唔係差，以後睇劇有多個人可以睇嚇亦 OK嘅。加油啦！

拍住添哥

TVB金牌監製李添勝一向關照陳山聰，知佢復工，即刻搵佢拍新劇，仲大讚：「我見過山聰，成個瘦曬，狀態好好！」

「方法演技工作坊」位於基隆街，最近外牆搭曬棚，但內裏其實好光猛企理。鍾景輝同餘俊峰係領軍導師， 3個月演技課程收$21,000，另設一對一教授，一堂收費$3,000至$5,000不等。

其他影片

鍾意就快D Share啦！

下一篇 》