全城熱爆的娛樂八封新聞 & 時事趣聞 & 生活 + 趣聞
王祖藍咁忙都肯做「柴可夫」已經抵讚，李亞男亦自動波幫男友留意馬路情況，無話一上車就瞓，兩個好合拍噃。
唔少娛圈情侶鏡頭前鏡頭後兩個樣！好似王祖藍同李亞男咁，鏡頭前後都咁恩愛，就真係唔多見。
李亞男近日趕拍同吳卓羲、郭晉安合作嘅《忠奸人》，早排媽咪姐就撞到王祖藍接送趕完戲嘅女友返屋企。祖藍咁忙都親自做「柴可夫」認真 sweet！難怪下年無綫都會開一個叫《蜜月到訪》嘅節目，俾呢一 pair做情侶檔主持啦。
李亞男一落車，就一個箭步衝入屋苑，睇嚟佢都攰得好緊要，同男友 say goodbye都無力。
祖藍真係好緊張女友，見李亞男夜麻麻上微博講祥仔演唱會，即刻提佢早啲瞓。
