熱爆娛樂: [忽然1周 961] 靠串養家　廣末涼子廣末涼子,MW,

2013年12月27日星期五

[忽然1周 961] 靠串養家　廣末涼子廣末涼子,MW,

亞熱帶

靠串養家　廣末涼子

當年的青春偶像，廣末涼子唔經唔覺已經 33歲，仲結過兩次婚，雖然 keep住童顏，但是人氣就大不如前。偏偏老公井筒順唔生性，婚後吸金力大減，搞到近年湊住兩個囝囝的廣末仍然要拋個身出嚟搵銀，不過唔係拍長劇，而是專做劇集串星，好似近日和「半澤直樹」堺雅人在新劇《律政狂人 2》做一對歡喜寃家，仍有Ｃ 9力撐。

廣末 03年同岡澤高宏結婚，翌年大仔岡澤宏志出世。婚後廣末不時被影到湊仔場面，不過鮮有老公出現，卒之兩夫婦離婚收場。

廣末涼子 14歲出道，一直唔多緋聞，在 23歲事業如日方中之時，忽然奉子成婚，下嫁時裝設計師岡澤高宏。兩人於 08年離婚，結束四年婚姻。不過 2010年廣末又再奉子成婚，對象是蠟燭藝術家井筒順。為兩段婚姻誕下兩子的廣末涼子，近日又傳出分居。外間一直唔睇好這段婚姻，因為廣末大仔宏志唔 like後父，加上井筒順自 311海嘯後收入大倒退，廣末成為家庭收入支柱，夫婦為錢傷感情。

主演日劇收視仆

最慘的是一直走偶像派路線的廣末，經過兩次婚姻後，事業已經大不如前。雖然《禮儀師之奏鳴曲》在 09年奪奧斯卡最佳外語片，廣末身價一度回升，仲開始轉型為演技派，不過她之後主演的電影都反應平平，令她很快又打回原形。反而廣末客串電視劇如《神探伽利略》、《東京鐵塔》、《龍馬傳》都有不俗反應。廣末於是趁勢重投電視圈，相隔 11年後於今年再次主演日劇。可惜《星之戀》開劇只有 10.5%的收視，結局更創 6.9%新低，難為廣末仲割價以一集 10萬港元接拍，劇酬不及綾瀨遙一半。

好在廣末的冷面法官，在《律政狂人》系列下下針對「半澤直樹」堺雅人，觀眾勁 like，加上廣末天生一副童顏，仲有捧場客。被問到美容秘訣， 33歲的廣末話：「我冇特別防皺紋或者抗衰老，最緊要都係充足睡眠同均衡飲食，保持心境開朗。身邊朋友都話三張嘢仲開心過 20歲嗰時，順其自然就唔怕老！」