掃呢頁CODE去手機

2013年12月26日 星期四

[壹週刊 1242] 徐濠縈繼續 fing 氹 Eason一炮 2.3億買大屋 Eason,徐濠縈,陳奕迅,M1,




Eason一直將收入交由徐濠縈管理,買樓投資都由老婆話事。

探熱針

徐濠縈繼續 fing 氹 Eason一炮 2.3億買大屋

陳奕迅早前豪掟 2.31億買入壽臣山豪宅地段 Shouson Peak,據了解,買大屋是 Eason嫂的主意,但考慮到二億大屋按例俾一半首期亦要月供超過六十萬, Eason為免加息期百上加斤,索性咬緊牙關, 2.31億十日內分兩次過數,一炮過免煩。

老公吸金力強,供徐濠縈任 fing!經營時裝生意本有斬獲的阿徐,自去年失驚無神擴充多兩間鋪,其中銅鑼灣百德新街地鋪每月租金二十六萬,但生意極一般,日日燒銀紙,加上她不時飛到世界各地出席時裝騷,每次又狂掃幾喼名牌,花費不少; Eason亦忍唔住不停同友人呻,屋企開支好大!

其他影片
專吼獨立屋

最近地產界盛傳陳奕迅以二億三千一百萬,買入壽臣山 Shouson Peak一間獨立屋,決定再入市,正是老婆徐濠縈的意思。

「個市早排開始有啲回落,阿徐已經頻頻去睇樓,睇親都係獨立屋。不過 Eason諗番當年二千幾萬買嘉崙臺嗰時每個月要供廿幾萬樓,就算公司(英皇)幫佢狂接 job,佢都無得 say no,其實嗰段時間佢係好辛苦,就算有啲 job Eason唔喜歡,都要頂硬上,所以今次老婆話要買呢度,佢都考慮咗好一段時間。」知情者說。

上完興趣班,康堤由外婆接回曉廬寓所。

上週五,阿徐一個人到利園幫康堤買衫,揀衫揀得非常仔細。

剛在台灣小巨蛋開了兩場演唱會的 Eason,在台上稱老婆為「安多酚」,足見掌財政的阿徐,地位超然。

(《蘋果日報》圖片)

八月開完演唱會,陳奕迅即與老婆及女兒康堤去英國旅行,原來同行還有甘比,一家更入住大劉在英國的六億大屋。

(《忽然 1周》圖片)

日日燒銀紙

多年來被指揮霍的徐濠縈,○九年開創自己的時裝生意後,引入 MBT潮鞋,令她吸到第一桶金,成功塑造潮人形象,令她成為不少時裝活動常客,個人收入大增。

「阿徐係搵到,但賺嘅錢始終有限,佢又手鬆,擔家重責,都係響 Eason身上。」

嘗過甜頭,徐濠縈決定擴充營業,去年十二月,她以二十六萬月租,在銅鑼灣潮店集中的百德新街開地鋪,但開業已一年,卻一直蝕錢。

「做門市比做樓上鋪經營成本高好多,加上附近有好多名店,競爭好大,但阿徐鋪頭就算係黃金長假期都無乜客,反而每次入貨要成百萬咁掟出去,『責』實曬啲錢,同燒銀紙冇分別!」

喺利園買完衫俾康堤,阿徐即返回白沙道時裝店,之後攞住大包細包落樓,乘車離開。

百德新街 Liger開業一年,鋪頭長期拍烏蠅,甚少街客幫襯。

分兩次俾錢

老婆鍾意使,好在 Eason亦搵到。今年開了二十五場演唱會,連同過去兩年各地巡迴、商演,每年收入億計,徐濠縈的眼光及要求,亦相應提高。

「今年暑假,阿徐孖住甘比大劉同 Eason一齊去倫敦度假,仲住埋大劉喺倫敦嘅六億大屋,黐得啲富貴人多,阿徐更加想同佢哋睇齊。其實呢兩年阿徐已經唔只一次叫 Eason買 house,佢話住屋私隱度高,因為連地升值又快,最重要係環境好啲,一家人都可以住得舒服啲。好似當年佢哋屋企裝修,有段時間搬咗去超儀南區間 house住,嗰陣阿徐已經話好鍾意嗰邊啲環境。」知情者說。

二億三千萬物業,俾首期五成,按揭利率 2.5%計,若還款期分二十年,每月須供約六十萬元,但鑑於樓市隨時進入加息周期,為免日後百上加斤,決定聽老婆話買大屋的 Eason,最終以一炮過形式付款。

「佢哋喺十日內,分咗兩次過數,冇做按揭㗎!」一名地產界人士說。

同有錢人睇齊

○八年將自住的嘉崙臺出售賬面賺千三萬,但有指 Eason是賣樓套現幫患肝癌的老豆陳裘大支付龐大醫藥費,往後亦未有再入市;兩年多前,他以月租廿多萬租住曉廬,同許晉亨李嘉欣做鄰居。

「 Eason做嘢忙,好多關於屋企同個女嘅嘢,都係交俾老婆話曬事,佢哋賣咗嘉崙臺之後租大鵬閣,嗰陣每月交十三萬租,後來搬去曉廬,租金貴成倍,但阿徐話鍾意嗰區嘅環境,其實身邊朋友都知,佢鍾意同班富貴 friend住近啲,感覺上可以大家都咁高咁大。」

阿徐代理的 MBT潮鞋,千嬅先後購入多對,去街開工都著住佢。

為幫時裝店宣傳,阿徐不時搞 event搵好友撐場。

入不敷支

徐濠縈一心要在時裝界大展拳腳,三間鋪每月支出過百萬,可惜入不敷支,老公陳奕迅要經常出手補貼。

非富則貴

位於南區的壽臣山道,一向是富豪級熱捧地段,區內以洋房為主,私隱度極高,是不少名人及高官的聚居地。

李克勤

做了十年西貢居民的克勤,為方便大仔 Ryan,到香港仔加拿大國際學校返學,去年 7月以 5,410萬買入壽臣山曉穎花園單位,將一樓二樓打通成四千呎複式,天台建兒童遊樂場,讓兩個兒子有更多活動空間。

關之琳

向來愛投資買「磚頭」, 10年斥資 1.4億購入壽臣山道 4,000呎獨立屋,現已升值一倍,是圈中億萬富婆之一。

鍾楚紅

91年與朱家鼎結婚後,在壽臣山道香蘭別墅築愛巢, 05年因為要在印尼興建 resort,才以 4,800萬售舊居套現,進賬 3,000萬。

李嘉誠

因為深水灣大宅要重建, 06年李嘉誠舉家遷往壽臣山道三座獨立屋、各佔 7,000呎大宅,有傳梁洛施和長子長治當年曾入住 3號大屋。



鍾意就快D Share啦!