全城熱爆的娛樂八封新聞 & 時事趣聞 & 生活 + 趣聞
鍾意入廚煮食,除咗拍廣告賣煲嘅 magic黃秋生,仲有佢同宗黃宗澤,咪以為 Bosco剩係強溝女,整番幾味,無論中西,一樣見得人。
最近 Bosco仲將興趣變為生意,喺九龍城搞咗間西餐廳,未正式開業,但唔少 TVB友,得閒都會落去試菜。 上星期一(十六日),無綫台慶頒獎禮當晚,完 show後, Bosco吹雞,叫咗班自己友落去開 P,當中包括長短腳之戀嘅王祖藍同女友李亞男。二五話 Bosco鍾意食又鍾意飲,所以會收藏紅酒投資,而家仲開埋餐廳,進軍商界。其實 Bosco絕對有條件超越馬國明成為無綫筍盤;定啲就得㗎啦!我係講定力呀!
上個禮拜做完台慶頒獎禮,王祖藍同女友李亞男擔遮到 Bosco開嘅餐廳消夜,食完大讚抵食。
餐廳仲喺試業階段, Bosco廣邀好友試菜,包括周麗淇。
TVB友開餐, Bosco將餐廳透明玻璃全部遮黑布。