紙片人身材，但薛凱琪落力賣性感，公然台上除衫，騷鐵線 bra同襪帶。
同你吟一吟
擺緋聞上台 薛凱琪開騷露底
薛凱琪上個禮拜四（十二月十九日）晚響會展舉行入行十周年音樂會，唔少圈中好友都有嚟捧場，包括出爐視後田蕊妮同老公杜汶澤、黃耀明、馮寶寶等，當然亦唔少得薛凱琪嘅緋聞情人方大同、澳門酒店高層 Reggie Martin、舞台劇演員湯駿業以及林二汶，差在唔見前度房祖名。
其他影片
當晚主人家以貼身粉紅露腰裝出場，跟住換咗另一套高腰短褲勁歌熱舞，講真，紙片人身材嘅薛凱琪好難同性感兩字掛鈎，但短褲褲腳隨舞姿移位，白色打底褲若隱若現，坐前排嘅觀眾，雙重享受。
之後薛凱琪拖住湯駿業上台合唱《給十年後的我》，台上熒幕同時出現方大同、房祖名、湯駿業及林二汶四張相，將緋聞擺上台，薛凱琪更語帶雙關：「愛有好多種，開花結果梗係好，但係有啲因為身份同 timing，令到唔可以開花結果。」咦！唔通講緊冇嚟嘅房祖名？
台下有方大同、林二汶、 Reggie Martin，台上薛凱琪就拖實湯駿業合唱，背後熒幕仲有身在北京嘅房祖名，入行十年，薛凱琪嘅緋聞比事業更有話題性。
|
鍾意就快D Share啦！
|
|
|
