全城熱爆的娛樂八封新聞 & 時事趣聞 & 生活 + 趣聞
要八珍挑選 2013年最進取女星，馬賽敢認第一，睇怕傅嘉莉應該有資格排第二，理據係舊年年尾拍完《衝上雲霄 II》，佢就不斷重複又重複話自己暗戀吳卓羲，講足大半年，再配合埋佢不斷再不斷露背露胸露腿出席公開活動，緋聞配合肉體，見報率比以前齋做𡃁模，高出好幾倍。
傅嘉莉唔單只夠搏，份人仲好識做，上個禮拜四（十九日）佢響蘭桂坊做完頒獎禮活動，妝都未落，即刻同工作人員撲去 ifc嘅 agnès b. DÉ LICES，話要買朱古力送俾傳媒朋友，答謝過去一年對佢嘅支持。一次過買幾十盒，兩個人四個大袋，出心出錢出力，最重要係識做人！
作風進取嘅傅嘉莉，做完活動再撲去買朱古力送傳媒友好，識做到暈。
傅嘉莉揀朱古力揀咗好耐先有心水，買咗四大袋，就算有人幫手，都拎到手斷。
