全城熱爆的娛樂八封新聞 & 時事趣聞 & 生活 + 趣聞
自從同黎明離婚兼進入半退休狀態， Gaile即刻肥咗，星期四晚（ 12日）下晝喺中環發現到 Gaile呢啲大圓躉畫面，以前點會見？
自同黎明離婚後，樂基兒長留印尼峇里遊山玩水，有時又會返嚇去美國滑雪，生活勁 happy。
當然仲唔少得同新西蘭籍滑水教練男友 Cuz拍嚇拖。上週四（ 12日）， Gaile又再返港出席活動掘金。由於活動前一日（ 11日）係黎明 47歲生日，問 Gaile有冇聯絡前夫， Gaile斬釘截鐵話：「冇必要聯絡。」活動後， FBI發現換上牛仔褲嘅 Gaile原來肥咗唔少，「圓躉」現形，唔使講都知有愛情滋潤嘅 Gaile有幾 happy啦！
出席活動時有條圍裙遮住，但 Gaile已見雙下巴，呢啲咪名副其實心廣體胖囉。
完騷後 Gaile去咗加列山道，售價以億元計的豪宅 La Hacienda，據現場消息， Gaile係去探朋友，前天王嫂果然多富貴朋友。
晚飯全程兩個鐘，之後 Gaile一支公返咗上水葡萄園老友屋企借宿。
喺朋友屋企 hea咗幾個鐘， Gaile之後盛裝去到太子大廈，原來係同著名時裝設計師 Diane Von Furstenberg食晚飯。 網上圖片
