2014年2月6日 星期四

[壹週刊 1248] 四年後重遊東京 關楚耀暴走加潮拜 關楚耀,M1,




探熱針

四年後重遊東京 關楚耀暴走加潮拜

○九年,關楚耀( Kelvin)與女友衞詩拍拖到東京度假,因男方身上藏有大麻、女方亦被發現行李藏有海洛英,雙雙被捕扣留,轟動一時。自此, Kelvin一直沒有勇氣再踏足東京,直到最近得到日本潮界邀請到當地影相,並相約了潮牌 Mastermind主腦飯聚,他再衝破心理障礙,重遊舊地,面對自己的過去。

真正面對過去

藏毒事件完結後,衞詩被 A Music解約賠上事業,關楚耀幸好得到公司環球唱片及家人的支持,花了多年時間洗底,重新開始。

今次日本之行,對由穀底逐步攀爬至今的 Kelvin尤其衝擊。

「四年後再返日本,感受非常之深,一落機聽到日文已經有感覺,跟住再去新宿、原宿、涉穀嗰啲地方,以前嘅回憶湧曬出嚟。有唔少記憶令自己打冷震起雞皮,但唔係陰影會唔開心嗰隻,今次嚟日本做嘢同放嚇假,真係有機會再反思,有好多領悟。諗咗好多嘢,會問自己點先可以做到更加好,更清楚唔可以嘥任何時間。

「近年喺電影方面得到好多機會,遇到好多好好嘅導演、監製同演員,佢哋對我嘅信任,好難得,唱片同經理人公司咁多年來對我嘅支持,更加唔係必然嘅。經歷咗呢四年後再返日本,令我有好多得著,面對到自己嘅過去,真正放得低。」 Kelvin說。

四年前, Kelvin與女友衞詩到東京拍拖,卻分別因藏有大麻及海洛英被捕,事件轟動全城。

Kelvin因工作關係而認識了 Mastermind主腦本章正間,今次到日本亦趁機與他飯聚見面,希望未來有合作的機會。

今次日本之行, Kelvin在朋友的介紹下認識了 SOPH主帥兼日本潮流教父清永浩文,深感榮幸。

涉足日本潮界

過去兩年, Kelvin歌影視三線發展,亦認識了不少日本潮界猛人,令他有機會擴闊工作空間。

「上年尾我做曬手頭上嘅 job就決定放自己假,咁啱喺放假時候有人搵我過去東京影 styling,第一次接日本 job,好開心;之前做嘢又識咗本間正章( Mastermind主腦兼創辦人),今次大家夾到時間見面,仲識埋 SOPH個主帥清永浩文,識到呢兩位日本時裝界猛人,我真係開心。(會合作?)好初步,未透露得住!」 Kelvin興奮地說。

今次到訪東京,主要是因為日本品牌 roar邀請 Kelvin到當地為他們影 styling,操得一身肌肉的他,當然要騷騷 quali啦。

在日本的一星期, Kelvin除了工作外,還有四處閒逛,當然亦有嘗盡美食。

除了行街及歎美食外, Kelvin亦有跟朋友一起在東京玩暴走,感受很深。

回港後 Kelvin便立即投入工作,為「茶木」拍攝廣告。

羅霖約食飯

在陶傑初執導的電影《愛•尋•迷》中, Kelvin與羅霖的情慾戲是電影中的話題,新戲未上,已成熱話。

「聽到陶傑做導演,仲要搵我做一個角色,我好驚喜;我個角色好複雜,忘年戀、為利益不擇手段、出賣人、勾引羅霖……成件事好有挑戰性,好多謝陶傑咁信我俾我做。至於同羅霖嗰一、兩場親熱戲,拍之前有諗點去做好佢,埋位都無太大壓力,我哋拍完仲變咗做朋友,佢生日會有請我,有時約飯局佢都嗌埋我,介紹好多人俾我識。」 Kelvin說。

在戲中, Kelvin與羅霖有不少情慾戲,雖然戲已拍完,但二人由陌生人變成朋友,閒時會相約飯聚。

才子陶傑初執導拍攝電影《愛•尋•迷》,找來 Kelvin配羅霖演床上戲,雖然電影還未上映,但已成功製造話題。

企穩陣腳

演員睇極同一班人,選擇少,變相令關楚耀在影圈機會變多,由串星逐步做到男主角,下月將開拍《向西》系列《含忍•死人•的士佬》,另外還有一部台灣電影洽談中,陣腳漸穩的他, 12到 13年間,已拍了 8部戲,長拍長有。

《含忍•死人•的士佬》主角



鍾意就快D Share啦!
Related Posts Plugin for WordPress, Blogger...