2014年2月6日 星期四

[壹週刊 1248] 郭藹明做跟得老婆 郭藹明,M1,




冇通告,劉青雲會陪老婆外出,等經常屈埋酒店房嘅郭藹明可以鬆嚇。

同你吟一吟

郭藹明做跟得老婆

如果有娛圈模範夫婦選舉,劉青雲同郭藹明肯定係三甲大熱。結婚十六年,從無花邊醜聞,生活中一切,只有對方,好認定。

06年幫亞視拍過《義無反顧》之後,劉太已少有喺幕前演出,唔係冇人搵,更加唔係嫌錢腥,目的好簡單,唔放心另一半。二五話青雲試過抽離唔到角色,加上個人性格又內斂,情緒一度出現問題要睇心理醫生。自此,郭藹明幾乎寸步不離,即使已經冇曬事,佢一樣唔放心,尤其出埠拍戲,例必陪行照顧。早排劉青雲要留喺上海拍羅啟銳部《三城記》,老婆亦有去上海。

夜班通告,郭藹明六點未夠就做好準備,離開酒店出去買外賣,等老公食飽個肚開工。

雖然返大陸做跟得老婆,唔使擔心老公鬼馬嘅郭藹明,大多數留喺酒店等,唔會經常落現場 mon實。婚姻承諾,包含付出,一切以劉青雲為先嘅劉太豈止做足,根本加零六!

明明有兩個人可以幫手買外賣,郭藹明依然要親自出馬,揀完一間又一間,一定要搵到啲啱老公胃口嘅先罷休。

騰來騰去,最終買咗兩大袋外賣返酒店。

食飽出發去開工,是夜青雲要拍到淩晨四、五點先收得,捱凍頂眼瞓,八百萬身價,唔係唾手可得。



鍾意就快D Share啦!
Related Posts Plugin for WordPress, Blogger...