2014年2月5日 星期三

[FACE 350] 被騙賀歲 伊麵替身埋尾 MF,




《大話天仙》 3年前開拍,不過拍到一半就因為投資者「斷水」而停機,被迫爛尾收場。伊麵經理人林珊珊(小圖)話由於已收足片酬,所以唔追究。

FBI

被騙賀歲 伊麵替身埋尾

今年新年特別多港產賀歲片,不過要數港星卡士,年初三( 2日)在內地上畫的《大話天仙》都唔弱。

由拍過《月光寶盒》嘅劉鎮偉執導,搵到鄭伊健、鄭中基同《甄嬛傳》女主角孫儷孭飛,更有蔡少芬、胡歌等客串,單計牌面唔差過其他賀歲片。不過 FBI收到風,近日有傳 3年前開拍的《大》片,拍到一半因為唔夠資金而爛尾,而投資一方為拍咗唔好嘥,求其搵替身補拍埋尾就推出街,搞到劉鎮偉都要發微博解話,暗示被電影公司擺上枱。

無端端「被賀歲」, FBI即刻打畀伊麵經理人林珊珊了解,珊珊話:「拍到接近完成階段,收到投資方話冇得拍喇……直到兩年幾前,知道佢哋將套戲雪藏咗。等劉鎮偉同投資方之間搞清楚,先再搞嘅。我哋當然有驚訝啦,因為實在部片上嘅時候係點,我哋從來都冇聽過,亦都冇睇過,亦都冇做過配音,究竟搞成點呢,真係唔知喇!我哋當然同劉鎮偉一樣遺憾啦,有陣時拍戲就係會有咁嘅狀況……所以以後盡量都係拍番自己公司嘅電影。(片酬收足嗎?)據調查所得,係收曬錢嘅。」珊珊眉精眼企,伊健先冇損失啫!

單睇 trailer,清楚見到鄭中基同孫儷等大頭樣,唔講唔知套戲尾段係搵替身埋尾。

蔡少芬亦有份喺《大話天仙》客串,不過佢同 FBI講由於只係拍咗 1日戲,所以完全唔知《大》片之後出事。

正同契女阿嬌身在溫哥華度歲嘅劉導,早前喺微博發炮,講明《大話天仙》已經唔可以話係佢嘅作品,同《大》片劃清界線。 FBI多次致電劉導手提,但截稿前劉導都未回覆。



鍾意就快D Share啦!
Related Posts Plugin for WordPress, Blogger...