上年 HKTV不獲發牌，幸好冼灝英師傅仍能靠教拳和教功夫維持收入，不過演藝始終是他最大興趣：「唱埋歌咪多啲嘢做囉！」
搜尋氣
馬蹄露合唱〈 Lady GaGa〉 冼灝英：多啲瓣數撈！
46歲馬蹄露最近變身 Lady GaGa，與冼灝英合唱洗腦歌〈 Lady GaGa〉，多個誇張造型引起網友熱烈討論， 56歲冼師傅識唱歌更令人意想不到。
這次更是 TVB人和 HKTV人的世紀 crossover，已經過檔王維基電視台的冼灝英就覺得，新時代應無分彼此，多啲 crossover至係大勢所趨。
我同馬蹄露係屬同一個經理人（陳貝蒂、惠天賜前妻），希望我哋多啲人留意，有多啲瓣數撈，例如拍廣告或者登台咁，所以拍呢個 MV，首歌係講兩代溝通問題，馬蹄露扮 Lady GaGa、我扮嚴肅嗲哋，我不嬲硬漢子咪試嚇囉，錄咗 3、 4次就 ok喇！
馬蹄露有 6個造型，嘩佢好有心㗎！自己試妝試衫到淩晨，仲 send相畀經理人過目，又自己去搵衫；雖然有網友話佢似邵音音，但都有人話佢似官恩娜吖，有彈有讚即係有人睇咪得囉！
其實我 3年前返國內做節目，有唱片公司搵我錄鈴聲，錄咗 3隻歌，之後話想拍埋 MV，就拍咗一隻〈最後的溫柔〉。嚟緊我會出隻獨唱歌添，但經理人未講係咩歌，好似馬蹄露咁鬼馬得意都好，但最緊要出嚟睇得舒服。
由細到大都冇諗過向歌手方面發展，隨緣啦！我唱歌普普通通，有待觀眾評價；反而馬蹄露新秀出身（ 88年新秀、金獎譚耀文），又係 DJ，起碼花過工夫落去啦！
我係 HKTV藝員約，離開咗 TVB兩年，馬蹄露係無綫人，今次呢個 MV有冇得喺 TVB播我冇理咁多，其實觀眾同我哋都想有 crossover，第日我都想係咁，只要係好嘅製作就可以啦，電視業要多啲衝擊，點解日、韓劇會吸引？呢個時代應該要進步啦！呢隻歌係講代溝問題，我有兩個仔，一個 18一個 21歲，我係開通爹哋，𠵱家讀書辛苦，唔會畀太多壓力佢哋，唔會將自己做唔到嘅嘢迫個仔做！以前啲人一定要結婚生仔，𠵱家你自己決定，要自己去承擔，生仔出嚟要養佢個喎！係咪？
|
鍾意就快D Share啦！
|
|
|
