[FACE 350] 人夾人 星夢大迷信 蕭正楠生肖唔夾 出碟撻 Q 蕭正楠,MF,

出碟被暫停，據聞蕭正楠向公司要求，希望接多些內地商演，始終拍劇收入有限。

真面目

人夾人　星夢大迷信　蕭正楠生肖唔夾　出碟撻 Q

近年無綫小生花旦大量流失， 08年回流香港嘅蕭正楠靠《巨輪》羅威信一角成功奠定小生位，捱咗咁多年，在新劇《師奶 madam》終於坐正。

據知 39歲的蕭正楠飽受女友何傲芝家人施壓，為求搵銀結婚，唱歌出身的他，希望重返樂壇，登台騷錢更吃香。據知，「星煥」與無綫合併的「星夢」揸弗人何哲圖 Herman，曾點名要簽蕭正楠出碟，可惜臨簽約，篤信風水命理的 Herman，發現對方生肖相沖而取消出碟計劃。蕭正楠想重返樂壇，唔知 Paco有冇興趣？

去年 11月，星煥唱片公司同無綫合併成立「星夢娛樂有限公司」，何哲圖（ Herman）擔任行政總裁。蕭正楠事業重回正軌，身為親生仔當然希望爭取再次出碟。

02年，唱歌入行做歌星仔的蕭正楠，原屬李澤楷旗下、由李進揸弗的大國文化，因他在勁歌頒獎禮中一句「邪不能勝正」，加上騎呢「雪雪雪」廣告，唱歌事業急停，更要避走內地洗底，事隔多年捲土重來，先後拍過《法證先鋒 III》、《當旺爸爸》、《天梯》、《巨輪》，成功逐級上。

儲錢結婚

重返無綫後，蕭正楠參演的電視劇集中，《當旺爸爸》、《仁心解碼 II》和《神探高倫布》的主題曲都由他主唱，去年和陳展鵬合唱的〈巨輪〉，更帶挈兩人唔少內地登台騷。蕭正楠食住上，爭取出碟機會，一方面要儲錢結婚，應付女友家人要求、另一方面圓自己心願，可惜最終都未能成事。

「 Herman（何哲圖）份人一向都好迷信，試過規定旗下嘅歌手要著藍色衫出席活動。 Edwin（蕭正楠）有同「星夢」傾過合作，但 Edwin生肖屬蛇，風水師傅話同 Herman唔夾，好易有拗撬，所以合作最終都告吹。」消息人士說。

拍攝當日蕭正楠抱恙在身，連從 3米高天橋跳落地仍要親身上陣，事後仲擦損手掌（小圖），認真搏命！

《師奶 madam》有好多打鬥場面，飾演警察的蕭正楠，雖然沒有功夫底子，但都搏到盡。

蕭正楠於 02年出道，當時簽約李澤楷旗下的「大國文化」，出過 5隻專輯。

蕭正楠和趙永洪拍攝動作場面，一律親身上陣，反而翠如 BB，即使拍簡單動作，都有女替身（左）預備，待遇差天共地。

錫曬黃翠如

早前，蕭正楠、黃翠如和趙永洪在尖沙咀為《師奶 madam》開工。飾演警察的蕭正楠和翠如 BB，聯手包抄飾演放貴利的趙永洪，三人在街上追逐，貴為無綫新寵的翠如 BB尊享待遇，所有危險場口一律由替身頂上；反而 Edwin和趙永洪就要親身上陣，其中一幕天橋追逐戰，兩人仲要從三米高的天橋跳落地下，連日趕戲捱病的蕭正楠惟有頂硬上，結果都擦傷手掌。

趁未埋位，本刊記者上前問蕭正楠有關出碟一事，他說：「自己𠵱家主力拍劇，唱歌同出碟都係等公司安排！（同 Herman生肖相沖，所以合作唔成？） Herman都好錫我，嚟緊仲會幫我同展鵬搞個迷你音樂會，不過時間同地方仲未知。」上週三（ 29日），本刊致電 Herman，他說：「有見過面，有傾過音樂方面嘅嘢！（生肖唔夾？）完全冇啲咁嘅事。（有傾過出碟？）呢啲假設性問題唔答。」

女友家人施壓，蕭正楠為箍實戀情，劇接劇之餘，仲返大陸賺人仔，上月拍住胡杏兒出席彿山商場開幕。

蕭正楠在 02年勁歌頒獎禮，打敗同年勁敵麥浚龍獲得男新人金獎，但衰多口講咗句「邪不能勝正」，結果形象大受打擊，更要避走內地。

《蘋果日報》圖片

旗下冇「蛇」

Herman一向篤信命理，萬大事都會搵風水師傅批算後才作決定，例如生肖屬蛇的人會與 Herman相沖，做事會多阻滯，所以屬蛇的人通常不會簽為旗下歌手，而蛇仔蕭正楠雖然唱功不錯，但都不能打破 Herman的迷信格局，出碟冇望！

鼠

生肖屬鼠的鍾嘉欣，最深得 Herman痛錫，當年 Herman由 Neway轉到星煥，都帶住鍾嘉欣。

龍

生肖屬龍的許廷鏗，得到 Herman重用，是全公司最賺錢歌手，去年 12月仲成功舉行個人首個演唱會。

豬

「星夢幫」鄭俊弘生肖屬豬，據知外國讀書的 Fred唔信風水，第一次與 Herman見面，被問生肖、時辰等問題問到口啞啞。

虎

「星夢幫」王君馨生肖屬虎，雖然《星夢傳奇》三甲不入，勝在與 Herman生肖最夾，成功成為旗下歌手。

Herman曾要求旗下歌手的服飾以藍色為主；就連辦公室枱頭號碼都有嚴格規定，一律要用指定號碼。

鍾意就快D Share啦！

下一篇 》