掃呢頁CODE去手機

2014年3月7日 星期五

[忽然1周 971] 霆鋒王菲法國重逢 栢芝開咪:對前夫死心 霆鋒,王菲,張栢芝,栢芝,謝霆鋒,MW,




前後腳蒲頭

日前,王菲與霆鋒前後腳分別現身巴黎兩個時裝騷,有傳兩人數日後會到趙薇的波爾多酒莊敍舊。

滾熱辣

霆鋒王菲法國重逢 栢芝開咪:對前夫死心

謝霆鋒和王菲分手 10年,直至近日二人前後腳現身法國,有指王菲好姊妹趙薇打算撮合二人到其酒莊飯敍。

鋒菲有望「復合」,至於霆鋒前妻張栢芝,有傳多年來用盡方法翻撻霆鋒,但眼見前夫緋聞一浪接一浪,已知箍煲無望。本刊收到消息,早前栢芝秘密返港,為商台錄製節目《起來!大龍鳳》。在節目中,她會大談自己一生中兩大死穴──謝霆鋒和陳冠希。

對於謝霆鋒,栢芝直指對方性格有問題,導致婚姻破裂,更講到明已對他死心。至於陳冠希,栢芝不單爆對方有另類癖好,更會自揭六年前替對方拍下「淫照」的因由。

其他影片
  • 栢芝興奮見都敏俊 機場變開籠雀

本月一日,失婚王菲與老死趙薇飛往巴黎出席時裝周。至於曾在節目《最佳男主角》,暗示「最愛王菲」的謝霆鋒,亦緊隨舊愛之後,在周日( 2日)晚出發到法國,拍攝飲食節目《十二道鋒味》。咁啱得咁蹺,霆鋒此行正正是要到趙薇位於波爾多的酒莊試菜。據知,趙薇有意撮合二人「敍舊」,在其酒莊來個「世紀重聚」。

現身哄動

王菲以壓軸嘉賓身份出席 2014 Celine時裝騷,引來過百人圍觀,最後要出動保鑣護駕才能離開。

趙薇撮合

正在法國和舒淇參加時裝周的趙薇,據知是一手撮合鋒菲世紀重聚的人。

執靚睇騷

平日甚 casual的霆鋒(右一),難得出席時裝騷,刻意打扮後與舊愛王菲頗襯。同場出現的有老友「肯雅徐」、四太梁安琪及一對仔女。

新歡同場

咁啱得咁蹺,霆鋒的另一緋聞女友 JM文詠珊,亦有份出席時裝騷,未知他們可會碰頭?

放棄箍煲

鋒菲有望「復合」,至於三年前和霆鋒離婚,卻一直恨與前夫續前緣的栢芝,在過去半年得悉霆鋒先後和周迅、 Janice Man傳出緋聞,早已知道翻撻無望。本刊收到消息,在剛過去的農曆新年,她秘密從新加坡返港,拍住老死化妝師好友 Rick Chin,為商台主持淩晨節目《起來!大龍鳳》。在節目中,栢芝大談和霆鋒五年婚姻,更講出離婚真正死因。知情人透露:「栢芝咁多年嚟,都係一條心想同霆鋒喺番埋一齊。不過等嚇一年,等嚇又一年,佢見對方根本冇呢個心,加上早排霆鋒又傳咁多緋聞,所以佢咪應承商台開咪做節目。喺節目入面有個講兩性關係嘅環節,栢芝會講霆鋒本身個人有好多性格上嘅問題,因為咁所以兩個人先會離婚。佢仲會話對前夫霆鋒已經死心,講笑話叫啲追求者快啲示愛!」

避答霆鋒

周一( 3日)下午,栢芝出發到南京,準備在周六( 8日)和金秀賢現身節目《最強大腦》。對於記者提及霆鋒,栢芝不欲多提,似乎對前夫確已死心。

匆匆入閘

對於霆鋒有機會在巴黎與舊愛菲「重逢」,栢芝更顯得不是味兒,由化妝師好友 Rick Chin推住入閘。

定居星洲

去年帶著兩子 Lucas及 Quintus移居新加坡的栢芝,閒來與兒子四圍玩及下廚做義工。有傳她移民亦因在香港「冇眼睇」前夫緋聞。

重提陳冠希

當年「淫照」事件後,栢芝走出陰霾,在有線接受好友區永權的訪問。其間栢芝直斥陳冠希「貓哭老鼠」。據知栢芝今次在商台開咪的言論,會比這次更激。

除提及前夫,栢芝在節目中,更會首次披露六年前幫陳冠希拍下淫照的因由。知情人續說:「其實淫照之後,栢芝幫過有線做訪問,提過陳冠希係『貓哭老鼠假慈悲』,不過都只係一句起兩句止。栢芝今次幫商台做節目,會講得激好多,除咗講自己點解會影嗰啲相,及佢同 Edison嘅關係,仲會大爆 Edison有啲另類癖好。」雖然栢芝在節目中乜都講,而且內容無底線,但據知今次幫商台開咪,栢芝分毫不收,純為幫 Rick Chin一齊做節目。至於商台首席智囊陳志雲,在聽完節目內容後,為免消息走漏,更下令商台一眾 DJ和工作人員封口。

志雲認提淫照

商台開咪

周二( 4日)記者到商台向陳志雲及《起》監製鄧潔明求證。陳志雲承認栢芝在節目入面,將大談霆鋒和 Edison:「個節目會喺三月尾出街,我哋好多謝栢芝,佢冇收過商台一分一毫,就咁拍嚇膊頭就算。佢今次係為興趣開咪,同俾面 Rick Chin,而最大得益係我哋商台。(喺節目度係咪有講淫照事件?)係!佢有提嗰件事,亦都有講之後點面對,心情係點,好多說話之前都冇講過,佢話呢個係佢一個經歷。」而監製鄧潔明亦說:「淫照佢有提,但我就唔記得佢有冇提『陳冠希』呢三個字。至於霆鋒,佢都有講。(佢對霆鋒已經死心?)總之婚姻已經過咗去啦,栢芝話呢一刻,唔會再對霆鋒未忘情。」

星洲密會老外

近月栢芝在星洲不乏追求者,令她冷卻對霆鋒的感情。

據知,栢芝今次之所以開咪,大爆對霆鋒死心,除因多次翻兜前夫不果外,在新加坡定居半年的她,早前結識當地一個澳籍老外滑水教練。知情人透露:「栢芝喺新加坡呢幾個月,除咗湊 Lucas同 Quintus返學外,平時得閒去做義工同返學。個人充實咗冇咁多嘢諗,唔會再鑽牛角尖一味諗住霆鋒。佢早排喺滑水中心識咗個老外,栢芝同我哋講話同佢好啱 key,可以試嚇發展,我哋都戥佢開心。」

複雜三角錯

圖片

一直糾纏不清的「鋒菲芝」戀,多年來經歷離離合合,王菲被栢芝撬牆腳,復合後最終退出。霆鋒和栢芝離婚後,又傳出霆鋒翻嗒王菲,三人關係錯綜複雜。

轟動姊弟戀

00年 6月,婚變後的王菲撻著比自己年輕 11載的霆鋒,二人出席《花樣年華》慶功宴後,公開「世紀拖手」轟動全城。

栢芝做小三

02年栢芝介入,不時相約霆鋒深宵唱 K,令「鋒菲」為此吵大鑊。之後「鋒芝」被爆同遊泰國,「鋒菲」姊弟戀玩完。

鋒菲翻撻

03年霆鋒與王菲被發現北京撐枱腳,再上演第二幕「世紀拖手」,正式復合。同時栢芝大受打擊,行為失控,更一度搭上霆鋒好友陳冠希。

王菲退出

04年「鋒芝」因拍電影《無極》愛火重燃,王菲主動退出; 06年霆鋒背住拉姑與栢芝在菲律賓秘婚,四年間兩人育有兩子 Lucas及 Quintus。

閃電離婚

栢芝和陳冠希機上搭訕,霆鋒盛怒下提出離婚,但離婚不久,二人又被拍得與囝囝 Lucas一家三口遊水親子樂,傳出復合。

最愛王菲

霆鋒在黎芷珊的節目《最佳男主角》中,暗示成世人最愛的女人是王菲,令翻撻一事甚囂塵上。

鍾意就快D Share啦!