掃呢頁CODE去手機

2014年3月7日 星期五

[忽然1周 971] 率先爆《星星 2》劇情 原班人馬開拍 千頌伊生超能 B穿越救夫 千頌伊,星星,來追星星的你,MW,




千頌伊古裝迷人

千頌伊有 5呎 8吋完美靚 body,著咩衫都 carry到, 09年拍《血戰新世紀》都著過古裝,今次《星星 2》千頌伊會返到朝鮮時代救老公,有睇頭喎!

媽咪姐

率先爆《星星 2》劇情 原班人馬開拍 千頌伊生超能 B穿越救夫

大家追到氣咳嘅韓劇《來自星星的你》上禮拜四( 2月 27日)播完嘞!雖然禮拜二( 4日) SBS官網公開咗第 21集《星星》未曝光結局片段,不過得兩分鐘,到喉唔到肺!

其他影片
  • 星星散檔 星迷食唔落

好彩導演張太侑啱啱宣布添食拍《星星 2》, yeah!仲會加重都敏俊同千頌伊喺朝鮮、日治時代嘅愛情戲,大家會首次見到全智賢著古裝演千頌伊。當然,新劇會繼續配合贊助商、大客戶嘅廣告植入, sell嚇戒指、唇膏同手袋等等,所以唔會係純古裝劇。媽咪姐仲八到《星星 2》嘅劇情大綱係講都敏俊終於克服咗「性無能」一關,唔怕地球人嘅體液,令千頌伊懷超能 B,法力仲喺爸爸之上。不過有一次都敏俊穿越古代嘅時候,蟲洞發生故障,被困古代,最後千頌伊借助囝囝超能力打開蟲洞。著曬時裝拎住手袋返古代救老公,笑料百出!

嗱,《星星 2》暫定 6月初開拍,以韓劇一邊拍一邊播嘅慣例, 6月同步有得睇事關金秀賢 9月前一定要去當兵,時間啱啱好。而全智賢拍埋《星星 2》亦會引退生 B做少奶奶,原班人馬嘅《星星》,做埋呢次咋。必追!

大肚 look都好襯千頌伊喎!星迷一直都想兩人可以組織家庭,開心大團圓,《星星 2》終於如願

《星星》導演張太侑講到明要拍續集,除咗透露都敏俊會穿越古代之外,仲大讚金秀賢好戲,似怕佢去當兵唔拍多啲!

SBS官網周二( 4日)公開咗未曝光嘅結局片段,星迷等到頸都長,點知片段得嗰兩分鐘。不過「千都」搬大屋過簡單生活就係最好嘅 HAPPY ENDING

老婆,辛苦你嘞!(設計對白)

平底鞋洩玄機

星迷發現,勁鍾意著高踭鞋嘅千頌伊,喺結局裏面竟然著平底鞋,相信係導演埋下千頌伊有 BB嘅伏線。

周一( 3日)《星星》喺首爾某飯店擺慶功宴,金秀賢帶備果汁,好似想話俾全世界知自己唔飲酒喎!

秘道出入

全智賢當日由秘道出入飯店,成功避開飯店門外傳媒耳目,在場內揸住酒杯開懷大飲了。

奸人載京早到

《星星》大奸角載京一早到場,現實中嘅載京,個樣依然好奸,奸過鄭子誠呀!

Yeah!帶「都 manager」返屋企呀!

《星星 2》雖然未有得睇,不過媽咪姐喺韓國親自入手 100份都敏俊同千頌伊精品,特登帶返嚟同大家開心 share!座枱月曆、記事簿、海報、貼紙乜都有,香港買唔到㗎!各位《星星》迷快啲去 like《忽周》 facebook專頁:http://facebook.com/swhongkong,答啱問題就有機會帶「都 manager」同千頌伊返屋企,日日對住練超能力喇!

海報

記事簿

月曆

其他影片
  • 星星散檔 星迷食唔落


鍾意就快D Share啦!