[忽然1周 971] 歐美觀眾唔 buy《星星》 星星,來追星星的你,MW,

結局篇講都敏俊（金秀賢）消失 3年後， 2017年又突然重返地球，出現喺頒獎禮同女神千頌伊喺紅地氈擁吻。單係呢幕，粉絲真係睇到一邊笑一邊眼濕濕，陰功！

出外埠

歐美觀眾唔 buy《星星》

熱爆亞洲韓劇《來自星星的你》上周四（ 27號）已經大結局咗，到依家都過咗成個禮拜啦，但仲係餘溫未降！呢幾日媽咪姐行到邊依然「千都情侶」不絕於耳。真係唔到你唔服。不過呢，歐美方面，唔知係咪唔抵得人哋咁紅，竟然對《星星》有另類觀感噃。

歐美觀眾喺網上話外星人同地球人戀愛故事唔新鮮，因為美國喺 60年代已經有呢類題材，加上韓劇節奏慢啲，尤其講都敏俊同千頌伊要去到第十集先開始有戀愛 feel，老外觀眾認為拖拉，兼不可思議！而《加拿大星報》仲認為《星星》內容唔耐熱，退燒速度會好快咁話。

事實上歐美夠鍾意套套劇做完一季又一季

幾乎晚晚同牀共枕，卻只係談天說地，老外又話不切實際，攞戲嚟做喎！

話之老外對劇集雞蛋裏挑骨頭，左抽右秤，人哋套劇依然紅遍亞洲，雙賢更係人氣及收益都賺到盡，真係開心到呢。

鹹魚青菜各有所好，係佢哋唔抵得啫！

申成祿變大奸狗

雖然歐美啲老外唔 buy《星星》，但近期三地傳媒嘅 talking point幾乎仍然係《星星》，而且範圍都唔止「千都情侶」，連其他演員都一樣備受關注，當中申成祿飾演嘅大奸狗李載京就最搶！

申成祿一向俾人嘅印象都係 cool man一族，今次飾演擁有反社會人格嘅殺人魔，完全 fit曬。就因為太入型入格，竟然乞人憎到有人話佢同「 Kakao Talk」（即係跟 line差唔多嘅通訊 app）入面隻貼圖狗好似喎！唉，媽咪姐都唔知戥申成祿開心定無奈囉？

奸到出汁嘅申成祿被惡搞話跟「 Kakao Talk」貼圖狗相似，真係抵死兼刻薄。

飾演大佬李載京嘅申成祿（左）同演細佬李輝京嘅樸海鎮，兩人個樣睇落又真係有啲似喎！

申成祿喺戲中一出現惡念，就會不時轉動手上戒指，哈「星」迷話一見佢呢個動作，會不期然毛骨悚然。

鍾意就快D Share啦！

下一篇 》