全城熱爆的娛樂八封新聞 & 時事趣聞 & 生活 + 趣聞
秋官同「契女」、「契孫」 high tea完後，「一家幾口」就漫步返歸，好溫馨呀！
上星期四（ 27號）媽咪姐喺銅鑼灣利園撞到好耐冇見嘅秋官（鄭少秋），同兩個女人，其中一個仲拖住個歲零嘅細路仔喺 Cova嘆完茶出嚟。
咁嘅情景，令媽咪姐突然醒起啲嘢。早排秋官細女詠恩俾人影到背住鬼仔男友，密會大名娛樂老闆林建名公子林孝信。詠恩緋聞多籮籮，莫非個小朋友……？ 秋官見到媽咪姐嘅懷疑目光，怕俾人誤會，即刻主動「報案」：「呢個係我契女同契孫，好乖㗎！」之後「一家幾口」沿路行返秋官禮頓山寓所，嗯，秋官呢個「契爸」同「契公」又幾廿四孝喎！
過馬路時，秋官更輕搭「契女」背，細心到呢！
