全城熱爆的娛樂八封新聞 & 時事趣聞 & 生活 + 趣聞
喺 ifc戲院買緊飛，兩人都忍唔住嚟個情深對望，雨過天青曬！
白姐姐白韻琹之前上節目大爆同阿 Paul謝偉俊無性生活，講到就嚟喊咁滯！不過夫妻嘅嘢，牀頭打交牀尾和，呢日媽咪姐就見到佢哋 sweet番曬，孖住去睇戲。仲要連睇兩套，再去埋 shopping，拍咗成日拖先雙雙返屋企㖭！
嘩，你睇白姐姐望住阿 Paul個樣幾咁情深，「大地回春」都係咁上下咋！
白姐姐同阿 Paul個拍拖 look真係襯到絕！邊個話後生先識浪漫㗎。
阿 Paul入咗 Zara買衫，白姐姐做跟得小女人陪揀兼俾意見。
