熱爆娛樂: [忽然1周 971] 一球定高低 MW,

2014年3月7日星期五

女藝人去活動，如果夠搏夠露肉，出多兩張相，梗嘅！不過露還露， sharp醒定難頂只係一線之差。唔使媽咪姐講到明大家一眼睇曬。

Ball場靚人靚衫特別多，不過耐唔耐都會殺個奇裝異服出嚟平衡嚇！上星期，主持過有線《性在任你 call》嘅艷星陳昭昭，估佢唔到忽然現身名牌活動，出動透視裝騷「南半球」，加上 shocking pink褲，跟足「自由行 style」， congratulation，成功突圍喎！

上禮拜五（ 2月 28日），力穀事業線嘅陳嘉容出席護膚品活動，被追問有指黃宗澤轉追佢嗰陣，佢淡定咁話，總之唔會理。不過講到興起，佢動作多多，走咗缽仔糕出嚟都唔知。靚女，咪咁興奮住，男人嘅嘢，睇定啲

同場嘅 Amanda S.一樣以透視裝騷 quali，自爆近排肥番少少、心口都多咗肉，身材若隱若現，好鬼惹火。同昭昭比邊個靚？嘩，你唔係要問嘛？

早前陳靜（ DaDa）去會展皮草騷，啱啱撞穿頭後首次去活動嘅佢，即刻嚟個大解放，騷番個咪咪出嚟見人，惹火度爆曬燈。影相嗰陣，外籍高層見到佢，唔止睇到眼都突埋，仲向住佢咪咪攤開雙手。嘩！吸力好驚人啊！

惹高層埋身點止 DaDa一個， Mandy Lieu吸力亦唔弱。上禮拜五（ 2月 28日），佢為何國鉦設計嘅新裝行騷。向來夠搏嘅佢，一連兩套騷胸服裝，中門大開，波路變幻莫測，又引嚟另一品牌高層出手，對佢又攬又錫，真有計！

Mandy好鬼識做，影完大合照，見品牌高層埋身攬完再錫，佢亦即時反捉對方雙手，交足反應㗎！

鍾意就快D Share啦！