2014年3月7日 星期五

[忽然1周 971] 分手年半𦧲掂復合 Race行奶奶政策箝實向佐 MW,Race, 向佐, 黃婉佩,




各有各睇

自從冧掂向佐愛火重燃後,行奶奶政策就係 Race的當前要務。上周四( 27日), Race陪向太去中環置地 Gucci shopping,當時向佐亦在場,不過他刻意與 Race保持距離。

娛樂喧

分手年半𦧲掂復合  Race行奶奶政策箝實向佐

今年 31歲的黃婉佩( Race), 09年與細她兩年的中國星太子向佐相戀,兩人愛得癡纏,經常被傳媒影到出雙入對,仲𠱁掂向太禦准同居。點知 2012年 Race向男友逼婚,導致分手收場,豪門夢碎的她避走新加坡。

分手後向佐身邊不乏女伴,但冇一個得向太歡心。去年 12月在蔡加讚與汪圓圓的婚禮上,向佐重遇 Race,在向太穿針下, Race終於𦧲掂復合。上周四( 27日),為入豪門行奶奶政策的 Race,繑實向太行街 shopping,今次應該冇甩拖喇啩!

其他影片

前女子組合 2R成員 Race黃婉佩, 09年學日文時結識中國星老闆向華強之子向佐,兩人火速撻著。

未幾 Race被踢爆早在 05年於新加坡跟一名富商結婚,向太甚為不滿。 Race為表明心跡,與富商老公離婚,又淡出幕前,更順應向太之意攻讀商科轉行做金融業,一心鋪路入豪門。最後她冧掂「未來奶奶」成功入屋,還與向佐搬出向家另築愛巢。

身形健碩的向佐,在當日只有 10多度氣溫下,仍然以黑色背心上陣,擺明曬肌啦。

向太繑實

向太隻右手主動繑實 Race,仲一邊行一邊傾買邊個袋好。

闊太 look

形象已由昔日的清純少女轉為貴婦 look的 Race,當日一身服飾及手袋都是 CHANEL,全身行頭約十萬。

逼婚導致分手

兩年前, Race家姐 Rosanne黃婉君奉子成婚,下嫁中英混血的牙醫男友,燃起快將三十的 Race恨嫁的心。 Race軟硬兼施向男友向佐逼婚之餘,同時亦向「未來奶奶」入手。據知情者透露:「其實 Race一早已經冧掂向太,但向佐覺得仲後生未 ready好,向太咁錫個仔當然企佢嗰邊啦,仲話等向佐有事業先再傾結婚。 Race當時諗住一哭二鬧三上吊,點知向佐覺得佢好煩,同佢分手囉!」

Race一直想復合,無奈不成功,之後 Race亦離開傷心地返娘家新加坡避靜,打算完成工商管理碩士課程,接手家族的電器生意,做個女強人。其後家姐 Rosanne懷了第二胎,要求 Race返香港幫手湊仔。姊妹情深當然唔會托手踭, Race去年再返香港生活。

婚宴上重遇

Race經常為家姐 Rosanne湊大仔 Dylan,而向太每次見到 Dylan都好開心,仲曾經同麻雀腳講過想抱孫做嫲嫲㖭。

Race返港後疊埋心水幫家姐湊仔,但身為半個公眾人物,少不免在公開場合撞見向家人。去年 12月,玩具大王兒子蔡加讚迎娶汪圓圓,向華強夫婦、向佐及 Race都是婚宴座上客。向佐與 Race在婚宴上重遇,據知情者爆料:「當時 Race主動上前同向佐打招呼,向太捉住佢傾咗一陣,個樣仲幾開心㖭! Race見向太對佢咁熱情,知道自己仲有機,即刻加多幾錢肉緊。之後 Race就不時約向太行街食飯,仲話自己讀工商管理,可以幫向佐發展事業。其實向佐對 Race仲有感覺,只要唔逼婚,向佐都冇所謂,所以佢哋好快又行番埋一齊。」

行街一家親

Race與向佐分手後,有傳她在 2012年搭上薛凱琪的黑人男友,兩人曾被影到搭住膊頭親密行街。

上周四( 27日)下午,本刊記者看見翻撻一個月的向佐與 Race,拉埋向太在中環置地廣場行街。穿上全黑背心的向佐做開路先鋒, Race就繑實向太步入名店,兩人一路有傾有講。三人步入 Gucci後,向太看中了多款手袋, Race不時俾意見。當向佐見到在場有記者,即大男人上身落柯打叫保鑣望實,自己則與另一助手急急腳行去睇男裝。眼見母親與女友血拼超過一小時都未收手,向佐惟有上車慢慢等。看來今次與 Race復合,他想低調處理。本刊記者就復合一事致電向佐,但截稿前電話仍接駁留言信箱未有回應。

女友難過向太關

向氏家族不但是電影世家,亦有江湖地位,因此想嫁入向家做「阿嫂」,都要過五關斬六將,而最重要一關就係要得到向太歡心。

01年應采兒

向佐剛由英國讀完書返港做 model,應采兒是他在港的第一任女友。當時向太十分歡喜呢個「新抱仔」,更收歸「中國星」旗下力捧。雖然應采兒最後都與向佐分手,但向太與她上契保持良好關係。

04年 Rene

在洛杉磯一個朋友飯局上,向佐對模特兒 Rene一見鍾情,追求半年後二人正式拍拖,還雙雙出席各大小時裝展。 Rene亦是向佐第一個公開承認的女友,但她不懂得討好向太,關係只維持一年多。

09年阿嬌(鍾欣桐)

向佐剛與 Race拍拖不久,便傳出阿嬌(鍾欣桐)狂發短訊及自拍照明撬。眼角甚高的向太,對阿嬌印象唔好,又點會俾阿仔同佢有發展機會。

鍾意就快D Share啦!
Related Posts Plugin for WordPress, Blogger...