全城熱爆的娛樂八封新聞 & 時事趣聞 & 生活 + 趣聞
不過話時話，陳慧珊似乎太錫個女，仲抱住 6歲囡囡周圍走，俾佢自己行嚇仲好啦。
自從老公兼經理人鍾家鴻前年申請破產，生活重擔就落曬喺 43歲嘅陳慧珊（ Flora）度。雖則又已經係新一年，但黑氣似乎未退！
早前， Flora因為幫阿女攞嘢，就撞到車門邊，傷咗左眉角，但呢日媽咪姐喺中環仲見到 Flora黐咗塊大膠布四圍騰。樣樣以屋企行先嘅佢唔理臉上有傷，接完個女放學後，即刻會合工人去 ifc超市買餸，任得途人眼望望。話曬做過當家花旦，呢份勇氣真係唔係個個有㗎！
雖然受咗傷，但 Flora仍然事事親力親為，揀餸俾錢無停過。
Flora就快讀完碩士，佢話想繼續讀，或者教書。拍劇就要睇檔期，以老公、阿女為先。
