2014年3月19日 星期三

[FACE 356] 楊崢死𦧲復合 氹開餐廳 黃宗澤媽:點會畀錢佢 楊崢,黃宗澤,MF,




14/3冇工開匿新竇

風頭火勢下,仲要失戀兼失去商台的主持人合約,楊崢突然低調,靜悄悄搬去名下北角半山另一物業避世。上週五( 14日)楊崢從半山雲景道寓所外出到尖沙咀。

封面

楊崢死𦧲復合 氹開餐廳 黃宗澤媽:點會畀錢佢

搭上曉明 Baby升呢、戀上林峯千語上位,只要搵啱小生落 BB降就可以名利雙收?方程式原來唔一定 work,起碼擺喺 42歲楊崢身上行唔通!

二月爆出撻著即被群模圍插爆出臭史一籮籮,楊崢形象插水,戀情、工作雙雙告急。最新消息,有人放風話會同 Bosco合股開餐廳曲綫死撐未分手,𦧲復合𦧲到底。據知一直掌管 Bosco財政大權的黃媽媽親口向朋友否認:「都冇復合!散咗點會畀錢佢開餐廳呀?」原來淨係識落 BB降都冇用,都要過咗伯母嗰關至得!

馬年最離奇曝光戀情,非楊崢同黃宗澤呢一對莫屬:年齡相差九年、界別牛頭不搭馬嘴,最奇係曝光方式勁高調,當街咀嘴高清照突然通街傳,拍拖未足月女方已經揸住 Bosco架古董車周街貢,完全唔使你估估嚇,堪稱近年最公開姊弟戀。

閃戀未夠三個月已經分手,當事人拒回應還有傳會合資開餐廳,不過黃媽媽向友人親證閂水喉拒合資。網上圖片

上月 3日,黃宗澤、楊崢西貢拍拖咀相突然在網上瘋傳,令相差九年的姊弟戀瞬間通天。網上圖片

揸番舊車

分手搬屋連座駕都打回原形,楊崢近日出入代步的是 11年自購、新車價 40萬的寶馬。

一撻著就老實不客氣借埋 Bosco架古董車代步,楊崢當時解釋是自家座駕入廠待修。

網上圖片

模特兒年代朋友唔見影,楊崢社交飯聚結伴的都是上月《一圈圈》採訪時才結識的伍允龍(左二),兩人與大班圈外朋友到 Bosco九龍城蠔吧的開幕宴,就是楊黃兩人撻著之時。

鯉景灣

95年出道行天橋,現年 42歲的楊崢名下有鯉景灣及雲景道兩個物業,分手前本來常居的是鯉景灣住所,現在遷入的富麗園則是 11年以 910萬買入,現值 1,200萬。

計錯數冇 job接

戀情見光後,楊崢被揭臭史多多,最經典一役是 13年前趁住黃佩霞大肚橫刀奪愛。

不過咁,好得快散得更快,三個月試用期都未過,「崢澤戀」已經因為女方臭史多籮籮及黃母極力反對屢傳「分訊」。雖然男方保持態度「畀啲空間」,女方對外保持沉默「冇回應」,不過還是有新聞傳出,向商台冇限期放假,但最近不獲商台續新約的楊崢,將和「男友」合股開餐廳,等做老闆娘。據知情人士透露,消息來源等同之前外洩的拍拖行蹤和咀相,有人想戀情曝光且死𦧲唔願分手。

「楊崢見到其他女星搭上一線小生,即刻新聞多、人氣升,連出騷價都多幾倍,所以一同 Bosco一齊,咪驚死人唔知咁囉。其實佢借 Bosco架古董車嚟揸都係想畀記者知,話就話自己架寶馬壞咗,但佢揸 Bosco車前,好多人都仲見到佢架寶馬!最衰計錯數呢!反而搞到臭史通天,名利雙失呀!」

商台踢走

諗住前車可鑒,黐小生有得上位,可惜楊崢姐姐唔係千語,在圈中臭史多朋友少,同 Bosco戀情曝光後臭史跟尾,反而人氣插水,連工作都急減,要以專心籌備新書為由自找下台階。

被主持一年的商台節目飛走,《一圈圈》下月換新血,由阮兆祥(小圖)、麥玲玲等人輪流主持。

形象差、工作少,目前工作表上只得代言的午餐肉及預計今年推出的《把米芝蓮廚藝帶回家 2》。

富豪朋友篤爆

分手消息傳出後,楊崢唯一的公開露面是上月 27日的 Loewe品牌活動,到場後架子蓋過同場陳慧琳,更拒絕接受記者訪問。據知此 Loewe活動是楊崢去年底已接下,並不是因戀情曝光而有著落。

生怕被傳媒跟蹤的楊崢,最近偷偷從鯉景灣寓所,遷至名下的另一個位於雲景道的物業,本刊觀察所見,楊崢已經將古董車歸還車主 Bosco,代步駕回自己名下、 11年出廠的寶馬座駕外,連日亦是獨家村,沒有朋友更沒有再見男友。

自從戀情曝光,見到女友情史豐富,母親密友都不看好,已經心大心細,再加上密友爆料, Bosco分意已決,𦧲都𦧲唔番。「 Bosco身邊有一班富豪朋友,成日約埋一齊飲酒食嘢吹嚇水,佢喺班富豪朋友圈聽番嚟,有人舊年先至出過埠,所以唔使黃阿媽棒打鴛鴦, Bosco都已經決定斬纜,兩個好耐都冇見面。」知情者說。

唔認分手、又話各有各忙,楊崢及黃宗澤卻分別幫朋友婚禮做伴娘及兄弟,又幾蹺喎!

12/1做伴娘

16/3兄弟團(網上圖片)

出走歐洲避靜

一樣係甩拖,楊崢避世冇面見人,忙與岑麗香拍《無雙譜》的黃宗澤,就在片場神態自若。

上月尾向商台「無限期」放假的楊崢,今個月再與商台滿約不獲續約,連節目《一圈圈》都冇得再做。週日( 16日),沉默多日的楊崢在微博留言,宣布出發歐洲搜集資料準備出新書,同時亦有報道指她將與 Bosco合股開餐廳。《一圈圈》監製鄧潔明,向本刊否認聽聞開餐廳一說:「楊崢係嘉賓主持,份約幾個月 renew一次,佢話唔續約都係最近嘅事,原因係出書,冇話開餐廳!」

據悉黃母親口向身邊友人否認傳聞:「 Bosco賺嘅錢交曬畀阿媽,投資就交畀契媽打點,所有錢點用都唔係 Bosco話事。黃媽媽話到明,佢哋兩個已經分咗手,唔會畀錢 Bosco開餐廳喎!」年紀大一截、情史又長又臭、人緣差已經扣曬分,早前黃媽媽接受訪問,親證明明只是在蠔吧偶遇,楊崢卻向傳媒宣稱正式拜訪。所以話未行伯母政策就想箝小生?好大想頭啫。

門難入

楊崢自稱拜會過黃媽媽、又唔認分手,事實勝於雄辯,黃媽媽話明只在蠔吧偶遇過對方、打過招呼,親證楊崢大話。而二月初消息指二人相戀三個月、楊崢入曬屋,實情 1月 22日黃媽媽生日,都不見「熱戀」女友在場。可見黃家門、黃媽媽呢一關,唔容易過!

出名孝順、媽媽至上,今年 1月尾黃宗澤在自家餐廳開 P賀媽媽生日,在場只得黃家親友。

黃媽都有微博

黃媽媽微博只關注寶貝仔 Bosco一個圈中人,叫 Bosco做主帥。



鍾意就快D Share啦!
Related Posts Plugin for WordPress, Blogger...