2014年3月19日 星期三

[FACE 356] HKTV又食詐糊 周家怡無悔: TVB冇得變 HKTV,周家怡,TVB,MF,




周家怡拍緊杜琪峯執導的《華麗上班族》,港視本來已安排她拍兩套劇,其中一套會再做主角,可惜開台無望令她覺得前路茫茫。

搜尋氣

HKTV又食詐糊 周家怡無悔: TVB冇得變

入行 16年終於做主角,亦可能係最後一次做主角!

周家怡 98年加入 TVB,演過兔唇女、智障女演技受讚賞,可惜一直未做過主角。

兩年前轉投 HKTV終於擔正,在《導火新聞線》演女一,但最新發展竟然開台無望,女一夢可能冇下次!本來預備動筆,卻再遇阻撓而中止續約, 34歲周家怡雖然覺得無奈,但絕不後悔,仲話如果留在 TVB始終死路一條,「好清楚做落去都係冇得變……邊個周家怡?報新聞嗰個周嘉儀呀?」

適逢譚玉瑛姐姐服務無綫 32年,要由兒童節目主持變顧問,亦難逃自然流失的命運,邊個慘啲?

我冇後悔過入 HKTV!以前喺 TVB太耐,好清楚做落去都係冇得變喇,頭 5、 6年直頭唔知咩叫拍戲添!直至拍阿戚(戚其義監製)嘅戲,見到佢好緊張,同演員傾咁多嘢,至知拍戲有咁多學問,至發覺頭幾年真係嘥咗,原來我 miss咗想紅嗰個 moment,做慣咗甲乙丙呀、做職員呀、做雞呀,邊個周家怡?報新聞嗰個周嘉儀呀?

我性格係唔識做宣傳,以前喺 TVB出 function我企到最後,我唔識學其他人搞小動作,點搞都冇用㗎,我同啲監製關係夠好好啦,時也命也囉!

拍阿戚戲嗰排係好多發揮,好似有好多機會喎,但跟住又係畀番啲閒角你做!過去王維基度係想試新嘢囉!

最搞笑係傾拍《導火新聞線》,我唔知道自己係主角㗎,心諗呢間公司幾認真喎,二三線都傾得咁仔細!返到屋企睇天書,咦!我個名排喺中間嘅?原來係主角!個編劇到𠵱家仲笑緊我低能。其實我完全冇 market value(市場價值),唔賣座又唔賣埠,搵得我拍真係要好好把握,做主角係要控制個角色由頭帶到尾,以前冇做過,叫試過一次囉!

現時係完全冇 planning,渾渾噩噩,暫時唔考慮返 TVB,好彩阿爸叫我讀咗 3年法律課程,仲差一年,冇路行或會入律師行做。

譚玉瑛件事,講人情味?冇㗎喇!喺佢哋角度有顧問做可能算有人情味喇!如果係我,睇嚇幾錢人工啦,淨計騷錢即係迫我走囉,好冇人情味囉!唔想用慘字嚟形容,我想有正能量,講完好慘我驚真係好慘!𠵱家大家都係好無奈囉!

她去年 9月約滿港視,正當洽談續約期間政府唔發牌,周家怡在政總示威發言時一度落淚。她說:「一直拖到今年本來 5月會續約,但𠵱家冇得再傾落去,好無奈!」

去年底王維基收購中移動香港的流動電視牌照,一班港視藝員舉行聖誕晚宴慶祝,可惜不夠半年又再好夢成空。

《 On Call 36小時》是她告別 TVB前最後一套劇,咁蹺她第一套劇《刑事偵緝檔案 IV》的監製又是潘嘉德,戲中角色又是叫淇淇。

周家怡在 TVB劇《花花世界花家姐》與佘詩曼同演智障女獲好評,雖然兩人好老友,但周家怡話唔想靠阿佘上位:「唔通叫佢嗌監製畀我拍大陸劇咩,好難嘅!」



鍾意就快D Share啦!
Related Posts Plugin for WordPress, Blogger...