[FACE 356] 山寨林峯正職睇風水 MF,

山寨版

FBI

山寨林峯正職睇風水

大陸最出名多 A貨，唔只手袋、手機有老翻，連明星都大把 A貨，乜模仿秀物模仿秀，個個同正版有 9成似。

最近內地就有一名同林峯有 9成似嘅山寨版林峯出現，呢個山寨林峯真名叫許豪航，由上年尾開始佢就用林峯個名去過中山、汕頭、湛江、深圳、廣州等夜場巡迴演唱。

用得林峯個名搵食，許豪航唔只同林峯餅印一樣，就連髮型，閃片歌衫都抄到足，最騎呢係佢登台時仲要咪嘴，但現場觀眾當正佢係正貨林峯咁，舉手伴唱外，仲舉埋「林峯」字樣橫額打氣，氣氛勁 high。

其實山寨版林峯 quali都唔嘢小，除咗廣州高等音樂大學「星海音樂學院」畢業，係周筆暢師兄外，𠵱家仲係一名風水命理師。模仿林峯而起朵，唔知有冇算過度過呢？

山寨林峯嘅演唱會海報，打正旗號叫自己做「林峯」，似乎狼咗啲。

正版

A貨林峯，就算出台前喺化妝間整頭，已 chok峯上身，尤其七分面再配合憂鬱眼神，簡直餅印。

平時唔似

平時唔 chok，戴起眼鏡嘅許豪航，其實好普通，同林峯唔多似。

真名叫許豪航嘅山寨林峯由上年頭開始已開設個人微博，至今粉絲人數超過 1萬 7千名，唔算多。而許豪航亦自稱係「風水命理師」，篤信命理嘅佢，亦有 po拜密宗相上微博。

鍾意就快D Share啦！

下一篇 》