黃芷晴
出騷價： 3萬
黃芷晴狂接騷搵錢，她表示近排家事多多，客戶看準她見報率增加而請她出騷亦不足為奇。
真面目
成功攝位 冇台開狂接騷 港視嬌娃搶擊 TVB小花
王維基攞免費電視牌觸礁，連搞流動電視亦開台無期，外界有指港視至今零收入，但其實港視經理人部門，一直靠幾位小花如黃芷晴、美棋 BB和薑麗文等狂接騷搵食，藝人和公司俱未至於「有出冇入」。
有專搞商場活動的公關公司更透露，港視嬌娃甚至比 TVB的二線小花更受客戶歡迎，加上無綫封殺壹傳媒記者採訪影響見報率，很多商場活動都減少搵黃翠如、岑麗香和黃心穎等小花撐場，造就港視嬌娃發圍。當中近排因母親梁潔華病重，又有家事新聞出現的黃芷晴亦坦言：「屋企嘅事多人留意都有關嘅！」
電視台其中一項收入來源，是旗下藝員出席商場或公司活動，如春茗表演等收騷錢，而 TVB內部有一張藝人名單，是指定要穀人氣及推介給搞活動的 PR公司的，這班藝人包括有一線的楊怡、胡杏兒、陳豪等，出騷價 12萬起；二、三線有黃翠如、岑麗香、黃心穎、朱千雪、洪永城和陳展鵬等 4至 6萬，以往 PR公司亦樂意採用。
見報率影響大
但自從王維基的牌照風波發生後，港視形象大好，美棋 BB、黃芷晴和薑麗文等變得非常吃香，很多 PR公司寧願找她們出席活動，直接影響 TVB。
有專搞商場活動的 PR向本刊透露：「𠵱家只要個客（舉辦活動的品牌）冇特別要求，我哋就會考慮搵港視嘅人，一來因為佢哋個台有好多新聞可以畀報紙寫，而且多數係正面嘢；二來 TVB封殺咗壹傳媒，有啲客驚影響見報率都唔想搵 TVB啲人。不過 TVB始終係大台，喺大陸又多人識，都會照搵但搵少啲囉！舉例要搵兩個，以前會兩個都請 TVB嘅，但𠵱家只會請一個，另一個咪請歌手或者 DJ囉，仲慳錢添！」
消息透露，近半年港視藝人的接騷率上升超過一倍，而且騷價合理，最受歡迎的美棋 BB只不過 4-6萬，黃芷晴和薑麗文分別 3及 5萬；反觀 TVB二、三線姐仔最平也要 6、 7萬，即使封殺事件之後依然企硬亦令客戶甚為反感。
薑麗文：好過喺 TVB
翻查資料， TVB小花近來的接騷率的確不多，黃翠如最近一次商場活動已是 1月 23日的珠寶公司活動，而岑麗香則是 3月初；相反港視嬌娃則長接長有。
剛去完美國放假返來便要出席活動的黃美棋，上週五（ 14日）現身「日本動玩博覽」時表示：「呢大半年都接多咗騷，商場騷、 MV、唱歌都有，我諗超過一倍，多謝啲客戶支持囉！」她稱現時跟港視仍有約，會繼續接騷賺錢。
同日出席 BMW發佈會，同場仲拍住熊黛林、廖碧兒等品牌常客的黃芷晴則話：「一直都幾多嘢做，關唔關 TVB事我就唔知，啲客唔會話我知嘅，我諗近排我屋企嘅事多人留意都有關嘅！」而薑麗文亦表示：「呢排要寫歌都幾忙，有啲我都出席唔到，但計落都唔錯，好過喺 TVB嗰陣囉！」至於港視開台無期，她們都覺得無奈，齊齊期望有轉機咁話！
BB公主企硬價
港視藝人搶攻接騷，令 TVB大受影響，尤其二、三線藝員唔肯減價、冇話題亦令客戶卻步。最受影響的是翠如 BB和香香公主岑麗香，黃翠如已近兩個月沒出席活動，岑麗香每月亦只得一至兩次。
|
鍾意就快D Share啦！
|
|
|
