2014年3月19日 星期三

[FACE 356] 女星狂抄頌伊女神頭 陳慧琳 衞詩雅 李嘉欣 官恩娜 許廷鏗 官恩娜,李嘉欣,陳慧琳,許廷鏗,MF,




陳慧琳

早前傳拍《星星》電影版, Kelly係大熱之一。論身高、氣質, Kelly算係最接近喇,只係年紀大咗啲( 41歲,劇中千頌伊 28歲)!不過佢話要湊仔,所以連一集《星星》都未睇過喎,嘥曬喎!

FBI

女星狂抄頌伊女神頭

《來自星星的你》雖然已經播完,不過影響力依然。 FBI每次一開 facebook,就會發現啲港女朋友 po新相話自己買到千頌伊唇膏呀、千頌伊粉底呀等等,唔通真係以為自己買咗同型號唇彩就變女神咩?原來唔只港女狂抄, FBI發現港星都抄埋一份。

《來自星星的你》第 21集

好似單係上星期活動,唔少女星都抄足全智賢喺《星星》結局一集嘅女神髮型,將頭髮撥曬一邊,無論係神級嘅 Kelly、定係濶太李嘉欣;抑或宅男女神官恩娜,都照抄。其實唔係照抄就可以變女神,人哋全智賢有演技有氣質,仲要身高有 173cm!

衞詩雅

衞詩雅早前表示會學韓文進軍韓國,所以連髮型都開始走韓風,不過呢日佢雖然髮型有啲似,但個妝實在太濃,下次唔該輕手少少。

李嘉欣

李嘉欣就唔係《星星》迷,不過個髮型就同千頌伊非常相似,可惜假眼睫毛太誇張,唔及全智賢擁有天然嘅「氣場」。

官恩娜

俾周柏豪話啱演千頌伊嘅官恩娜,又係話自己太忙,未有時間煲《星星》,不過上星期佢出席 Audi活動,就同千頌伊髮型有 8成似,其實係咪靜雞雞煲埋結局喇?

鏗鏗抄男神

許廷鏗擺明係抄「都教授」,仲自拍 po上微博,論相似度都 8成。 FBI欣賞佢呢種明抄態度喎。



鍾意就快D Share啦!
Related Posts Plugin for WordPress, Blogger...