掃呢頁CODE去手機

2014年3月19日 星期三

[FACE 356] 黐女避緋聞 薛凱琪中環齋行 薛凱琪,MF,




上週五( 14日)下晝, Fiona約咗 3個女性朋友一齊行置地, 3個女仔已經一個墟, 4個女人走埋一齊,全程雞啄唔斷,而 Fiona嘅笑聲更嘈到上一層嘅途人都聽到。

FBI

黐女避緋聞 薛凱琪中環齋行

唔經唔覺已經 32歲嘅薛凱琪( Fiona),出道 10年以來,一直緋聞不斷,無論男或女、黑人或黃種人,黐埋阿 Fi身都會傳緋聞,最新一單就係傳出佢同貌似阮經天嘅圈外男性朋友秘遊柏林。不過上週五( 14日),阿 Fi出席活動時就向住記者好決絕話:「我哋一世都唔會鍾意大家,佢一世唔會鍾意我,可能大家都心急,想我有情人陪。」講到好似發誓咁滯。

TOD'S

Fiona去置地嘅目的係 shopping,當日先由班女性友人左右傍住入去名店 TOD'S睇太陽眼鏡,但試來試去冇款啱心水,最後空手行出鋪頭。

Dior

之後轉去 Harvey Nichols,打算掃化妝品,點知試勻 Dior、 Guerlain多個櫃位都揀唔啱,行足半粒鐘都冇幫襯,真係有啲混吉。

Guerlain

為咗避緋聞,最近阿 Fi惟有黐住班女性朋友出街,上週五( 14日)阿 Fi出席完活動後, FBI喺中環置地廣場撞到阿 Fi同 3個女性友人一齊行街,其中一個仲係阿 Fi嘅 TB助手 Van。當日一行 4條 queen橫掃 TOD’ S同 Harvey Nichols內多間名店,不過阿 Fi入親每間鋪頭都係齋試唔買,其間不斷同班 friend雞啄唔斷咁講笑,笑聲仲嘈到隔兩間鋪都聽到,搞搞震冇幫襯! FBI就咁睇,其實發生喺阿 Fi嘅例子,唔好以為同女仔行街就可以避到緋聞, Fiona亦有傳過有同性密友㗎,如果以為同男仔絕緣就避到,呢招阿 Fi就唔 work喇!

去置地遊街前,其實 Fiona喺旺角出席 Shiseido化妝品活動,由於要避桃花,所以同新晉型男馬志威影合照時,都唔敢太熱情。

不過出咗櫃嘅明哥(黃耀明)就唔同,週六( 15日) Fiona唔只走去紅館捧明哥演唱會場,仲走去後台主動用雙手攬實明哥影合照,當正明哥係好姊妹。

Fiona唔只傳出同翻版阮經天秘遊柏林,更曾為男方慶祝生日,但 Fiona就話大家只係大學同學,更聲言一世唔會鍾意對方。 FBI就八到其實阿 Fi同呢位翻版阮經天係「好姊妹」,所以絕對唔會撻著囉。



鍾意就快D Share啦!