2014年4月21日 星期一

懷孕4個月 著5吋高踭鞋  呂慧儀升Cup挺肚喪跳 呂慧儀,




懷孕4個月 著5吋高踭鞋  呂慧儀升Cup挺肚喪跳



其他影片: >>










狂升cup挺肚喪跳 長腳蟹:阿B會踢我

娛樂圈爆生仔潮,現年31歲的「長腳蟹」呂慧儀早前宣佈懷孕,至今陀B約4個多月,她表示仍未照到腹中「蟹籽沙律」性別,蟹小B的預產期為9月。呂慧儀昨日在鑽石山出席台灣遊樂節活動,穿上連身裙的她谷奶凸肚,她又無懼禁忌穿5吋高踭鞋跳民族舞。

呂慧儀日前已大呻急升兩cup至35E上圍大負擔,昨日出席活動時,她竟沒理會禁忌穿上高踭鞋,看到大會安排有民族舞表演,呂慧儀都忍不住加入又唱又跳,還大玩搖鼓,她事後說:「我著四、五個鐘高踭鞋都唔特別攰,我問過醫生唔係著太長時間係OK,我頂得住。」



■懷孕4個多月的呂慧儀,昨日竟穿高踭鞋跳舞。



■呂慧儀巨咪成焦點,她昨笑言自己都不敢面對。



■呂慧儀的腹部已隆起,她心急想知BB性別。



■呂慧儀大爆老公黃文迪不時逼她吃東西而火速增磅。資料圖片

自爆恨生仔

呂慧儀自爆感覺「蟹籽沙律」不時踢她肚皮,她說:「可能佢好大隻,醫生都估BB會手長腳長,所以鬱動犀利啲,希望佢生出嚟大隻過爹哋。」問到「蟹籽沙律」性別?呂慧儀說:「希望下星期照到,佢要合作啲,唔好似我咁百厭,手指唔好亂鬱,唔好令我同老公食詐糊。」換句話說,呂慧儀恨生仔?她說:「生女可扮靚,仔都可以,但生仔可以同朋友嘅仔一齊去識女仔。」

自懷胎後,呂慧儀的臉頰和腰肢都發脹,她說:「老公係咁叫我食,怕餓親BB,我重咗好多,好快就虎背熊腰,醫生話最好最後兩個月先重多啲。我返屋企又坐唔定,有時會拉筋。」呂慧儀的巨咪成為焦點,她尷尬說:「我唔敢面對,有啲變化,啲人唔係恭喜我有咗,係恭喜我升cup。」有指產前更會再升cup,呂慧儀說:「我想快啲回復原狀,𠵱家最想知係仔定女,可以買BB用品。」

採訪:張俊銘

攝影:陳俊強



鍾意就快D Share啦!
Related Posts Plugin for WordPress, Blogger...