網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月9日 星期五

[忽然1周 980] 與榮文蔚離婚 阮偉文 cut卡擸獨子 阮偉文,榮文蔚,MW,




阮偉文與 12歲獨子向來風雨同路。太太榮文蔚與顧志雅爆出緋聞時,阮偉文就孖住阿仔應付記者,而太太卻飛外國避靜。

滾熱辣

與榮文蔚離婚 阮偉文 cut卡擸獨子

阮偉文上周五( 2日)出席活動時,高調宣布與榮文蔚正辦理離婚,他聲言與前妻還是好友關係。而一段長達 16年的婚姻,終告破裂原是有跡可尋。

52歲的榮文蔚,異性緣向來甚佳。近年在她身邊出現的大都屬高大靚仔的男模。面對老婆桃花,阮偉文一直採眼不見為乾淨態度。但男模顧志雅前年盜用榮文蔚信用卡,爆出疑似婚外情,觸動了阮偉文神經。據知阮已經擸了獨子撫養權,更 cut走多張附屬卡,與榮一刀兩斷。

面對失仔失財,榮文蔚未見太傷痛,事關社交界已流傳她經已有新歡 Terence。而本刊早於前年 8月,已拍得二人在澳門癡纏兩日一夜。











社交界近日已盛傳阮偉文和榮文蔚離婚的消息,有雜誌更拍得阮偉文與 12歲獨子,今年初搬離住了 16年的堅尼地道舊居,重過新生活。阮偉文則上周五( 2日)終親口證實離婚,震驚整個社交界。

撫養權傾掂數

冰封三尺,非一日之寒。歸根究柢,始終是榮文蔚自己惹禍上身,前年顧志雅事件更成為離婚的導火線。「 Yvette(榮文蔚英文名)雖然年紀唔細,但身形依然 keep得好好,加上佢喺公關界有曬江湖地位,自然吸引唔少想上位嘅男人埋身。 Andrew(阮偉文英文名)不嬲俾 Yvette好大自由度,不過冇諗過會通曬天,搞到上曬 A1咁大單,覺得係時候要一刀切喇!」知情人士說。

雖然榮文蔚私生活精彩,但畢竟與丈夫同眠共枕多年,所以當阮偉文提出離婚時,她亦無奈接受。「佢哋兩個都係好成熟嘅人,呢件事處理得好冷靜,就算傾條件,大家都有商有量。」現時對於阮偉文來說,最重要是個仔,所以他第一時間就要爭取兒子撫養權。「大家都知 Andrew好錫個仔,逢周末同周日都會同個仔聚天倫,所以 Yvette放手唔爭,唯一要求就係唔好阻止佢同個仔見面。」阮偉文上周五( 2日)出席活動時,也暗示經已取得獨子撫養權,他說:「 Yvette生活忙,佢得閒會見個仔,都係我主力湊。可能男仔關係,同我比較 close,佢又鍾意藝術,大家有個伴。」

六呎新歡 Terence

榮文蔚新歡叫 Terence Mak,曾從事健身教練及兼職男模,身形高大健碩。

低胸夜會

2012年 8月,本刊發現榮文蔚與 Terence現身澳門出席夜店 party。當晚她身穿低胸戰衣,玩到中途,與 Terence齊齊行去酒店,可見呢段關係已有兩年多。

孖住上樓

Terence十分體貼,沿途不停製造話題𠱁榮文蔚開心,二人亦愈行愈埋,貼實搭扶手電梯上樓。

玩到翌日

記者在酒店大堂等到翌日傍晚,才見到榮文蔚與 Terence齊齊落樓搞退房。

贍養費周旋

獨子歸老竇,但現實世界,不外乎一個錢字,最令阮偉文和榮文蔚頭痛,始終是贍養費問題。知情人士說:「佢哋兩個都係來自有財有勢嘅大家族,錢對於佢哋嚟講當然唔係問題。不過 Andrew就覺得贍養費呢樣嘢唔係由佢哋嚟決定,所以堅持要交俾律師傾, Yvette同意呢個做法。大家都知律師一定會為 client爭取到底,可能單是基本生活開支都一匹布咁長,故傾了成大半年都未傾掂數。」

不過阮偉文跟榮文蔚分居後,他第一時間已經 cut走俾老婆用的所有附屬信用卡。「見過鬼都怕黑!顧志雅單嘢搞到咁大鑊,反正大家都已經唔係夫妻關係,咁均真啲囉!」

16年婚姻玩完

1996年 1月 1日,阮偉文從榮文蔚父親榮智鑫手上娶得美人歸。二人竹門對竹門,但無奈也要告終。圖片

顧志雅被告以欺騙手段取得財產罪,前年上庭時他任影唔嬲,更有傳他會爆大鑊,最後被判監三年。

榮文蔚當時亦有到警署落口供,不過就封嘴唔回應事件。《蘋果日報》圖片

各有各精采

16年婚姻到此為止,榮文蔚和阮偉文二人亦重新出發。有指榮單身後不久,立即另結新歡 Terence Mak,二人更同居住西環縉城峰。不過,其實這段關係已歷時兩年,本刊早於前年 8月,拍得榮帶埋 Terence到澳門,出席夜店 party。當時記者發現二人散場後齊齊搭𨋢,直上君悅酒店客房。直至翌日傍晚,二人才現身酒店大堂辦理酒店退房手續。

另一方面,阮偉文閒時除與兒子旅行外,身邊更多了一位老外密友。去年 12月,本刊便拍得二人齊齊出席活動,其間形影不離。相信有密友傍實,阮偉文很快就撫平離婚瘡疤。

記者連日來致電搵阮偉文,不過其手機長期飛落留言信箱。而榮文蔚一聽到記者電話,便說:「唔好意思,我依家開緊會,轉頭覆你。」但記者兩小時後再致電,其手機已經唔通。看來二人就離婚一事,選擇必要的沉默。

男伴傍實

去年 12月 LV開幕派對,一直與榮文蔚出席活動的阮偉文,當晚卻帶埋甚少曝光的老外密友同行,更未有交代密友身份。

場內密斟

二人在場內亦雞啄唔斷,老外更不時望實阮偉文。

舊居丟空

阮偉文和榮文蔚婚後一直居於堅尼地道怡廬。不過二人離婚後,阮偉文帶埋獨子搬去堅尼地道另一單位,而榮文蔚則遷入新居縉城峰。五千呎舊居暫時丟空。

圖片

就榮文蔚離婚一事,記者亦有打電話俾其好友薛芷倫(右),向來敢言的她竟說:「人哋啲私事我唔想講,我唔回應。」

分開偷玩

做人最緊要開心,及時行樂,圈中唔少藝人、名人一樣揸緊呢個宗旨。已婚夫婦依然各有玩伴,各自精采。

榮雪梅、 Stefano

名媛榮雪梅當年與前夫 Stefano於 ball場曬恩愛,不過二人私生活亦相當精采。男方曾攬女蒲中環,而女方亦試過與異性跳辣身舞。榮曾透露發現丈夫褲袋藏安全套揭發婚外情。 12年,她宣布離婚,結束十多年婚姻。

羅霖、劉坤銘

羅霖與劉坤銘結婚 16年,二人未離婚前,一直有指男方有外遇。而羅霖當年亦曾被拍得流連北京夜店。身穿黑喱士花絲襪超短褲的她,與年約廿多歲的年輕男子態度親暱,夜蒲食消夜,至淩晨五點才齊齊返酒店。

兩家有來頭

榮文蔚與阮偉文家族背景顯赫,難怪結婚和離婚都咁大件事。



鍾意就快D Share啦!