熱爆娛樂: [忽然1周 980] 張曼玉 Do姐上身　爛聲益同胞曼玉,張曼玉,MW,

2014年5月9日星期五

[忽然1周 980] 張曼玉 Do姐上身　爛聲益同胞曼玉,張曼玉,MW,

喺上海演唱， Maggie好識做用上海話加普通話同觀眾打招呼，仲拎曬沙槌 fing頭扭腰，非常戮力。

媽咪姐

張曼玉 Do姐上身　爛聲益同胞

國際影後張曼玉（ Maggie）一直夢想當歌星，最近終於加盟獨立音樂品牌，仲喺上海同北京初試啼聲！先講上海草莓音樂節當晚，唔少粉絲都特登因為呢位巨星而入場，場外又將張曼玉當生招牌。

其他影片： >>爛聲唱鄧麗君　張曼玉輸李思欣成條街 >>獨家高清睇　張曼玉摸胸 fing頭獻唱

當晚大約 7點， Maggie未見其人先聞其聲，佢以超簡單吊帶裙襯上一臉濃妝，嘩！驟眼睇，同 Do姐鄭裕玲竟然有幾分姊妹相呀！

Maggie用極低沉老牛聲唱出老歌〈甜蜜蜜〉，幾乎係將歌詞一句句以超沉音唸出來，嚇到唔少觀眾 O曬嘴，更有同胞忍唔住嗌：「好難聽！」不過咁都無阻張曼玉響台上自 high，充滿自信嘅表演簡直係勇氣可嘉！媽咪姐喺現場亦都曾經努力融入去曼玉嘅音樂世界，但係聽佢唱自創嘅〈 Why did you do it〉同 Rihanna嘅〈 Stay〉等等名曲，感覺都係……得啖笑囉！不過，相信唔少同胞應該覺得可以現場感受女神氣場已經值回票價，正所謂邊鬧邊睇，樂趣嚟嘅。