2014年5月9日 星期五

[忽然1周 980] 鄭丹瑞 拖女 high tea MW,




旦哥 high tea high到一時大笑,一時黑面咁,唔通俾兩個少女搞到陀陀擰?

媽咪姐

鄭丹瑞 拖女 high tea

呢頭讚完李若彤,媽咪姐嗰頭就喺銅鑼灣撞到佢劇中老公鄭丹瑞同兩個妹妹仔 high tea。咦,旦哥連自己兩個親生囡囡都唔陪,竟然走咗出嚟同呢兩位少女撐枱腳,搞咩呢?睇旦哥 high tea high到七情上面,時大笑時迷茫時黑面咁,媽咪姐真係估佢唔到噃!但佢一行出嚟,就鬼咁風騷,仲話嗰兩位女伴係電影編劇,頭先係傾電影啲嘢喎。係嘅係嘅,身為才子嘅你,點會唔記得屋企有個老婆同兩個女先。

俾女圍

旦哥𠱁女仔真係有一手,行緊出門口,求其講兩句都𠱁到兩位囡囡四萬咁口。

鄭丹瑞同兩個囡囡出去 high tea,真實版阿女會唔會呷醋㗎?嘩,望真啲,差唔多年紀噃。

旦哥仲出埋冧功叫媽咪姐捧佢套就嚟上嘅新戲《分手 100次》場,呢位導演真係出心出力。



鍾意就快D Share啦!
Related Posts Plugin for WordPress, Blogger...