2014年5月1日 星期四

[壹週刊 1260] 整裝待發 正式甩身 江欣燕修葺再上路 江欣燕,M1,




扮靚兩粒鐘,除低用來遮醜的太陽眼鏡,信心十足的江欣燕更素顏去攞車。

探熱針

整裝待發 正式甩身 江欣燕修葺再上路

去年七月,江欣燕公開宣布與結婚十二年的吳積遜離婚,最近終於正式辦妥手續,正式甩掉人妻包袱。同一時間,身邊好友個個爭住撥大葵扇,向她推介筍盤;江欣燕亦痛定思痛,為日久失修的身材樣貌進行改造工程,為迎接第二春做好準備。











一度肥腫難分的江欣燕,當日著短裙曬腿。

江欣燕唔再收埋自己,全靠身邊朋友開解,是日她相約女友食日本菜。

有律師追

結束一段婚姻關係後,四十六歲的江欣燕一直故作堅強,在傷痛的折磨下,以致生活和狀態都脫軌。最近,離婚手續正式辦妥,身邊好友為鼓勵江欣燕重新開始,紛紛為她牽紅線,介紹男友。

「欣欣初時都提唔起興趣,但我哋成班朋友輪住同佢傾偈,大家都覺得佢性格同人緣都好,樣又唔差,只不過早排自暴自棄,身形走咗樣啫!再講,之前 Jackson(吳積遜)都俾人影到拖住個金髮妹,對欣欣都起到啲刺激作用,以前嘅事,要放低!我哋不停介紹新朋友俾佢識,當中唔少單身男係律師同做金融嘅,有啲同佢食過飯,對欣欣都有好感,不過欣欣對自己冇乜信心,好多時都搵藉口推人。」江欣燕閨中密友說。

江欣燕去年七月同吳積遜分開,走曬樣的她埋位拍新劇《女人俱樂部》,更試過忍不住在公司 canteen向同事哭訴。

重新裝備自己迎接第二春的江欣燕,在微博曬靚樣。

急救腫面

經歷失婚打擊,令原本開朗的江欣燕變得沉默寡言,對人亦失去信心。

「有人追都唔敢受,就知佢幾嚴重。一班朋友都擔心佢會逼自己埋死角,所以成日會搵住佢打波、行山,等個人有番生氣。最近我哋開始幫佢 plan咗個翻身大計,除咗做運動,仲要佢去做 facial,總之裡裡外外都照顧到,欣欣都好積極,冇好似之前咁頹!」

日前,江欣燕為新劇《女人俱樂部》出席宣傳活動,之後再到位於銅鑼灣世貿的 Dr. Protalk醫學美容中心做療程,職員一見欣欣即上前招呼並帶她入房。

一搞兩粒鐘,扮完靚,江欣燕由世貿行過去時代廣場,與女朋友食日本菜。現場所見,早陣子肥腫難分的她,面頰開始變得較前緊緻及有番輪廓;在人來人往的銅鑼灣,江欣燕亦有勇氣除低太陽眼鏡,面對現實。

與吳積遜離婚前,做了十二年人妻的江欣燕未太走樣。

今年二月,吳積遜被拍得與金髮妹煙韌覓食,也間接提醒江欣燕應該撇清過去。(《蘋果日報》圖片)

在新劇《女人俱樂部》中,剛離婚的江欣燕面容憔悴,又肥又腫。

江欣燕與戴蘊慧結伴出席車展,沒有老公的日子,好姊妹是最好的水泡。(《蘋果日報》圖片)

失婚再做人

離婚絕不是世界末日,不少圈中女星回復單身後,事業及感情比過往更多姿多采。活得比你好,十個女人,十個做得到。

鍾麗緹

事業如日方中之際, 97年鍾麗緹突然匿埋生女,翌年與女兒父親 Glen Ross正式結婚,至 02年離婚, 03年與台灣音樂人嚴錚結婚並再生多兩女,唔怕嫁又肯生,屢戰屢敗的她 11年與第二任老公分開,在內地發展順利外,有三個女的辣媽,新歡是北京億萬富豪,吸引力驚人。

鄺美雲

鄺美雲 96年與呂良偉結婚,可惜婚後一年便分手, Cally離婚後淡出娛樂圈,積極發展個人事業,由出書做才女,到踏足商界做珠寶生意, 12年更公開覓得第二春,男友是恒基地產營業部總經理林達民。



鍾意就快D Share啦!
Related Posts Plugin for WordPress, Blogger...