掃呢頁CODE去手機

2014年5月1日 星期四

[壹週刊 1260] 富商求婚受阻 張慧儀:唔錫個仔冇得諗! 張慧儀,M1,




張慧儀親力親為送 Hanson返學,對於被廣州富豪狂追兼求婚,她甜笑回應指感情要慢慢發展,但首要條件一定要愛錫患病養子,否則 no way。

娛頭

富商求婚受阻 張慧儀:唔錫個仔冇得諗!

○三年,張慧儀遭當時的未婚夫霍紹裘當沙包虐打至爆眼,自此她決定斷電遠離異性,將全副心機照顧患有嚴重心臟病的養子 Hanson。

一副封盤格,不過四十三歲張慧儀多年來其實不乏追求者,包括在廣州做飲食生意的富商兼政協委員羅定民,甚至已開口向她求婚。女人始終想有個好歸宿,但張慧儀亦有要求:「唔錫個仔冇得諗!」











追足三年

在內地擁有龐大飲食王國的羅定民,五十多歲的他,多年來一直單身,三年前,由朋友介紹認識張慧儀,從此情陷未婚單親媽媽。據知,早年張慧儀與養子在廣州生活,羅定民經常借故約會。

「慧儀決定領養 Hanson後,就當正個仔係命根,乜都以佢為先,雖然民哥對佢好好,但慧儀始終有顧慮,一直閘住閘住。咁佢以前受過傷,又帶住個有心臟病嘅養子,始終唔敢行多一步;民哥知道唔可以急,所以好有耐性,係咁等囉。」知情人說。

張慧儀兩母子一度由廣州搬到北京,去年再回流返港定居,羅定民亦一直「二仔底」死跟,以人盯人戰術,由廣州、北京再追到落香港,三年來,一條心。

「民哥呢年都上上落落香港好多次,佢見到慧儀自己孭起頭家,又喺深水埗賣嘢,又要照顧 Hanson,佢同我哋講話唔想慧儀咁辛苦,好想照顧佢哋兩母子,佢仲開聲求過婚,但慧儀始終擔心民哥長遠嚟講接受唔到 Hanson,所以一直拖住。」

搭船期間, Hanson自動自覺咪書,咁乖難怪養母錫到燶。

張慧儀應志偉邀請返娘家拍《女人俱樂部》,與同年代的藝人聚首一堂。

連見兩日

本刊發現,早前來港入住麗嘉酒店的羅定民與張慧儀到佐敦開飯,雖然同場有其他朋友做電燈膽,但二人不時細聲講大聲笑,相處融洽。食完飯,朋友識做走先,留下二人獨處,此時的張慧儀反而變得拘謹。離開時,羅定民先送張慧儀到油麻地,接回暫託朋友照顧的 Hanson,他再原車返回酒店。

翌日傍晚,二人結伴到灣仔一間酒店出席羅定民友人的婚宴。保養得宜的張慧儀,當晚刻意打扮一番,飲到晚上十一點半,離開酒店經過大堂時,帶有醉意的張慧儀被旅客的行李喼絆倒,羅定民眼明手快,撲上前扶著她的腰。男友處處體貼,但心急返家湊仔的張慧儀,未有爭取時間拍拖,只讓羅定民送返紅磡家中。

約會首日

慧儀將 Hanson放在朋友家暫託,才出來會男友。

以食起家的羅定民,一到香港即與慧儀到佐敦覓食,歎足個半鐘。

二人雖然沒有在街上表現很親暱,但看他們的衣服,就知有幾夾。

第二日又見

廣州蕉葉集團總經理羅定民,早前被本刊發現追慧儀追到來香港,更與慧儀孖住出席朋友婚宴,可見二人關係十分公開。

囝囝:叔叔還好啦

本週二早上(四月二十九日),張慧儀如常搭船送 Hanson返學,因為有份演出的無綫劇《女人俱樂部》播映中,船上不少乘客均向她熱情打招呼。落船時,本刊上前訪問,一直匿在媽咪身後的 Hanson,回應對羅叔叔的印象時,以普通話笑著說:「還好啦,媽媽喜歡我喜歡,媽媽不喜歡我不愛。」童真盡現。

壹:羅定民追得你好緊?

張:(甜笑)嚇!一般啦,佢係好人嚟嘅,現階段朋友囉。

壹:聽聞佢同你求咗婚?

張:哈哈哈!咁又太深入,唔知點講喎。

壹:你要乜嘢條件先接受求婚?

張:唔係剩係指羅生,我係講所有人,條件係一定要錫我個仔,好似我一樣,當正自己親生嘅我先會諗。





鍾意就快D Share啦!