熱爆娛樂: [壹週刊 1260] 讀名牌 playgroup　楊思琦女激似吳帥吳帥,思琦,楊思琦,M1,

2014年5月1日星期四

[壹週刊 1260] 讀名牌 playgroup　楊思琦女激似吳帥吳帥,思琦,楊思琦,M1,

兩歲大的 Krystal冇時停，非常男仔頭，激到楊思琦紮紮跳。

探熱針

讀名牌 playgroup　楊思琦女激似吳帥

七月約滿無綫的楊思琦，因單親媽咪形象唔討好，慘遭公司嫌棄，踢出經理人部兼大幅減人工。面對打壓，工作量少之又少的楊思琦，唯有專心照顧囡囡 Krystal楊卓穎，星期一至五，親自送女返 playgroup。

已經兩歲多的 Krystal，未能盡得港姐冠軍媽咪標致五官，反而愈大愈似爸爸吳帥。

其他影片： >>讀名牌 playgroup　楊思琦女激似吳帥

女生男相

冇工開！上週四（四月二十四日）早上十一點，楊思琦做柴可夫，接載女兒到九龍塘返 playgroup。兩歲多的 Krystal穿上可愛桃紅色裙仔，跳跳紮冇時停，加上剪短頭髮，又天生一對小眼睛，女生男相，愈睇愈似爸爸吳帥。

送完囡囡返學校，楊思琦與媽咪一直在外守候，同其他家長打牙骹未有離開。一小時後， Krystal跳住走出學校門囗，楊思琦上前準備抱抱，點知女兒掟彎走，轉身跑去攬住外籍老師大髀。

原來外籍老師最後一日上課，楊思琦於是捉住 Krystal同老師影相留念；電話、相機用齊，但寶貝女嗌極都唔肯企定定，連外婆出手，一樣搞唔掂。

搞一輪，終於影完相，楊思琦繼續同家長雞啄唔斷， Krystal扭計要走，見女兒有失規矩，楊思琦忍唔住當眾責備囡囡，只見 Krystal一個屁股坐落地下，當場爆喊，擾攘了足足半個鐘。

楊思琦同家長留低打牙骹， Krystal卻不停扭計要走。

之後仲發脾氣，一個屁股「得」落地下，唔肯起身。

俾媽咪鬧完， Krystal當場爆喊。

阿女任使

出名慳妹的楊思琦，衣食住行樣樣慳，但寶貝女返 playgroup，多多都照俾。

Krystal入讀的 Noble Place Playgroup Education Center，位於九龍塘森麻實道，是該區數一數二的貴族 playgroup，每班只收四個學生，由兩名外籍教師授課。一星期返足五日，每堂一小時，學費每月七千元，絕不便宜。

「思琦收集咗唔同家長嘅意見，話小朋友要久不久轉下 playgroup，唔好返硬一間，因為佢哋好快會玩厭，所以思琦每半年就幫個女換一次，呢間已經係第三間，之前嗰啲上堂都係玩嚇玩具、做嚇 baby gym，而家 Krystal開始大，識講好多嘢，思琦寧願貴都轉呢間，因為佢哋出名訓練語言同埋計數。」楊思琦身邊人透露。